މިއީ މި ފަހުގެ ތާރީޚެއްގައި މި ރާއްޖެ އައި އެންމެ ހުދުމުހުތާރު ވެރިކަން: މަސްވެރިން
މަސްވެރިކަމުގެ ސިނާއަތަކީ އިޤްތިސާދުގެ ދެވަނަ ބާރު
އައްޑޫގައި މަސްވެރިން ކުރަމުންދާ މުޒާހަރާ
މިއީ މި ފަހުގެ ތާރީޚެއްގައި މި ރާއްޖެ އައި އެންމެ ހުދުމުހުތާރު ވެރިކަންކަމަށް އައްޑޫގައި އިޖުތިޖާޖު ކުރަމުންދާ މަސްވެރިން ބުނެފިއެވެ.
އައްޑޫ މަސްވެރިން ކުރަމުންދާ އިހުުތިޖާޖުގެ ތެރެއިން އާދިއްތަ ދުވަހު ރާއްޖެެޓީވީއަށް ދިން އިންޓަވިއުގައި މަސްވެރިން ބުނީ، މިއަދުގެ ސަރުކާރަށް ބަލާއިރު، މިއީ މި ފަހުގެ ތާރީޚެއްގައި މި ރާއްޖެ އައި އެންމެ ޚުދުމުހުތާރު ވެރިކަން ކަމަށެވެ.
އޭގެ އިތުރުން، މަސްވެރިކަމުގެ ސިނާއަތަކީ އިޤްތިސާދުގެ ދެވަނަ ބާރަށްވާއިރު، މަސްވެރިންގެ ޙައްޤުތަކަށް އަރައިގަނެ ސަރުކާރުން ރާއްޖޭގެ ބޮޑު އާބާދީއެއް "ބަނޑަށް ޖައްސާފައި" ވާކަމަށްވެސް މަސްވެރިން ބުންޏެވެ.
ހަމައެއާއެކު، ސިޔާސީ ޕާޓީތަކަށް ފައިސާ ދޫކުރުމާއި، ދައުލަތުން ބަދަލުގެ ގޮތުގައި ބޮޑެތި އަދަދުތަކުން ފައިސާ ދޫކުރުމާއި، ސިޔާސީ މުވައްޒަފުންނަށް މުސާރައަށް ބޮޑު ހޭދައެއް ކުރުން ފަދަ ކަންކަން ސަރުކާރަށް ކުރެވޭއިރު، މަސްވެރިންނަށް ދޭން ޖެހޭ ފައިސާ ނުދީ ދެ މަސް ވެގެން ދިއުމަކީ ބަލައިގަނެވޭނެ ކަމެއް ނޫންކަމަށްވެސް މަސްވެރިން ބުންޏެވެ.
ކަން މިހެން ހުރުމުން މިއަދުގެ ސަރުކާރަކީ ޤާނޫނީ ސަރުކާރެއްކަމަށް ޤަބޫލު ކުރަން ދަތިކަމަށްވެސް މަސްވެރިން ފާހަގަކުރިއެވެ.
މަސްވެރިން ވަނީ ޙައްޤު ހޯދުމަށް ރާއްޖޭގެ ހުރިހާ މަސްވެރިންނާއި، ސިޔާސީ ޕާޓީތަކާއި، ޤާނޫނީ ވަކީލުންގެ އިތުރުންވެސް އިތުރު ފަރާތްތަކުން ނުކުތުމަށް ގޮވާލާފައެވެ.
