ބޯކޮށް ވާރޭވެހުމާއެކު ގުރުރާނެކަމަށް ލަފާކޮށް ތ އަތޮޅުން ފެށިގެން އައްޑޫސިޓީއަށް ހުދު ސަމާލު ނެރެފި
27 ފެބުރުއަރީ 2024 | އަންގާރަ 08:38އަންގާރަ ދުވަހުގެރޭ 19:00 ޖެހުމާ ހަމައަށް އެސަރަހައްދަށް ވަނީ ހުދު ސަމާލު ނެރެފައި
މުޙައްމަދު އަރީޖް ޢާމިރު | 27 ފެބުރުއަރީ 2024 | އަންގާރަ 08:38
ވާރޭ ވެހުމުގެ ސަބަބުން ފެންބޮޑުވެފައި | ރާއްޖެއެމްވީ
ބޯކޮށް ވާރޭވެހުމާއެކު ގުރުރާނެކަމަށް ލަފާކޮށް ތ އަތޮޅުން ފެށިގެން އައްޑޫ ސިޓީއަށް ހުދު ސަމާލު ނެރެފިއެވެ.
މޫސުމާއި ބެހޭ ގައުމީ އިދާރާއިން ޢާއްމުކުރި ގޮތުގައި އަންގާރަ ދުވަހުގެރޭ 19:00 ޖެހުމާ ހަމައަށް އެ ސަރަހައްދަށް ވަނީ ހުދު ސަމާލު ނެރެފައެވެ.
މީގެއިތުރުން ވިލާގަނޑުގައި ގަޑިއަކު 40 މޭލަށް ވައިގަދަވާނެކަމަށް ލަފާކުރެވޭކަމަށް މެޓް އޮފީހުން ބުނެއެވެ.
މިދުވަސްވަރު ރާއްޖޭގެ އެކި ސަރަހައްދުތަކަށް ބޯކޮށް ވާރޭވެހި، ވައިގަދަވެ އަދި ކަނޑުގަދަވަމުންދާތީ ދަތުރުކުރާ ފަރާތްތަކުން މިކަމަށް ޚާއްސަ ސަމާލުކަމެއް ދިނުމަށް ކަމާބެހޭ ފަރާތްތަކުން ވަނީ އިލްތިމާސްކޮށްފައެވެ.
