ކ. މާލެ
|
26 ފެބްރުއަރީ 2024 | ހޯމަ 09:31
ލިވަޕޫލްގެ ސަޕޯޓަރުން ކޯޗު ކްލޮޕަށް ޝުކުރު އަދާކުރަނީ
ލިވަޕޫލްގެ ސަޕޯޓަރުން ކޯޗު ކްލޮޕަށް ޝުކުރު އަދާކުރަނީ
ރޮއިޓާސް
ކަރަބޯ ކަޕް
'ކަރަބޯ ކަޕް' ކްލޮޕަށް އެންމެ ޚާއްޞަ ކާމިޔާބު!
 
ލިވަޕޫލް ޓީމްގެ އެވްރެޖް އުމުރަކީ 22

ޗެލްސީ ބަލިކޮށް ހޯދި އިނގިރޭސި ލީގު ކަޕް (ކަރަބޯ ކަޕް) ތަށްޓަކީ ކޯޗިންގ ކެރިއަރުގެ އެންމެ ޚާއްޞަ ކާމިޔާބުގެ ގޮތުގައި ކޯޗު ކްލޮޕް ސިފަކޮށްފިއެވެ.

1-0 ން ޗެލްސީ ބަލިކޮށް ޗެލްސީން މިމުބާރާތުގެ ތަށި 10 ވަނަ ފަހަރަށް ހޯދީ ނަތީޖާ ނެރުމަށް ކުޅުނު އިތުރު ވަގުތުގެ ދެވަނަ ހާފްގައި ލަނޑު ޖަހައިގެންނެވެ. ވާދަވެރި ފައިނަލް މެޗަށްފަހު ކޯޗު ކްލޮޕް ބުނީ 20 އަހަރުގެ ކޯޗިންގ ކެރިއަރުގައި އެންމެ ޚާއްޞަ ތަށްޓަކީ މިއީ ކަމަށެވެ. މިީ ވަރަށް ޚާއްޞަ ތަށްޓެއް ކަމަށް ތަކުރާރުކޮށް ކްލޮޕް ބުންޏެވެ. މިކާމިޔާބީ ކްލޮޕަށް ޚާއްޞަ ވަނނީ ޓީމްގައި ޒުވާން ގިނަ ކުޅުންތެރިންތަކެއް ހިމަނައިގެން ކުޅުމުންނެވެ. އެއީ އަނިޔާގެ ސަބަބުން ޓީމްގެ މުހިއްމު ގިނަ ކުޅުންތެރިންތަކަކަށް ނުކުޅެވުމުންނެވެ. އެގޮތުން ފޯވާޑް ސަލާހު އާއި ނޫނޭޒް އާއި ޖޮޓާއަށްވެސް ނުކުޅެވުނެވެ. އަދި މެޗުގެ ތެރެއިންވެސް މަޖުބޫރު ބަދަލު ގެންނަން ޖެހުނެވެ.

މެޗުގައި ލިވަޕޫލްގެ 20 އަހަރުން ދަށުގެ ފަސް ކުޅުންތެރިން ކުޅުނެވެ. މުޅި ޓީމްގެ އެވްރެޖް އުމުރަކީ 22 އެވެ. އެކަޑަމީ ކުޅުންތެރިންނާއެކު ހޯދި މިތަށި ކްލޮޕަށް ޚާއްޞަވަނީ މިސަބަބުތަކާ ހުރެއެވެ. ކްލޮޕް ބުނީ މިއީ އޭނާގެ ޓީމަށް ހައްގު ކާމިޔާބީއެއް ކަމަށެވެ. ލިވަޕޫލަށް ތަށި ހޯދައިދިން ލަނޑު ޖެހީ ކެޕްޓަން ވެންޑައިކް އެވެ. މިއީ އޭނާގެ ކެޕްޓަން ކަމުގެ ދަށުން ލިވަޕޫލް ހޯދި ފުރަތަމަ ތަށްޓެވެ. ވެންޑައިކްގެ ތައުރީފްވެސް އޮއްސާލީ ޓީމްގެ ޒުވާން ކުޅުންތެރިން ނަށެވެ.

Advertisement
އެންމެ ފަހުން އަޕްޑޭޓް ކުރީ: 3 ދުވަަސް ކުރިން
ރިވިއު ކުރީ: މަރްޔަމް ދާނިޝް ނަޝީދު
0%
0%
0%
0%
0%
100%
ކޮމެންޓް