އެފްއޭއެމްގެ ހިންގާ ކޮމިޓީން މުފާ އިސްތިއުފާ ދެއްވައިފި

ފުޓުބޯޅަ އެސޯސިއޭޝަން އޮފް މޯލްޑިވްސް (އެފްއޭއެމް) ހިންގާ ކޮމިޓީން، މުފާވިޒް ޙާޝިމް (މުފާ) އިސްތިއުފާ ދެއްވައިފި އެވެ.

ކުލަބު އީގަލްސްގެ ވައިސް ޗެއާމަންކަން ވެސް ކުރައްްވަމުން އަންނަ މުފާ ވަނީ “ރާއްޖެ އެމްވީ” އަށް އެކަން ކަށަވަރު ކޮށްދެއްވައިފަ އެވެ. މުފާ ވިދާޅުވީ އިސްތިއުފާ ދެއްވީ އަމިއްލަ ސަބަބަކާ ހުރެ ކަމަށެވެ.

މުފާ އަކީ މިދިޔަ ޖަނަވަރީ މަހުގެ 31 ވަނަ ދުވަހު ބާއްވަން މަސައްކަތް ކުރި އެފްއޭއެމްގެ އިންތިޚާބުގައި، އެ އެސޯސިއޭޝަންގެ ރައީސްކަމުގެ މަޤާމަށް ވެސް ވާދަކުރައްވަން ފޯމު ހުށަހެޅުއްވި ފަރާތެކެވެ. ނަމަވެސް، ދުނިޔޭގެ ފުޓުބޯޅައިގެ މައި އިދާރާ (ފީފާ) އަދި ސަރަހައްދީ ފުޓުބޯޅަ އިދާރާ (އޭއެފްސީ)ގެ އެންގުމަށް، އެފްއޭއެމުން ވަނީ އެ އިންތިޚާބު ބާތިލުކޮށްފަ އެވެ. އެއީ އެ އިންތިޚާބުގައި ވާދަކުރަން ފޯމު ހުށަހެޅި، ޤައުމީ ޓީމުގެ ކުރީގެ ފޯވާޑް އަޙުމަދދު ޠާރިޤް (ޓޯމް)ގެ ކެންޑިޑެންސީ ބަަލައިނުގަތް މައްސަލައިގަ އެވެ.

އޭގެ ފަހުން އެފްއޭއެމުން ވަނީ މި މަހުގެ ތެރޭގައި އެކްސްޓްރާ އޯޑިނަރީ ކޮންގްރެސްއެއް ބޭއްވުމަށްފަހު، މެންބަރުން ނަގަން ޖެހޭ ކޮމިޓީތަކަށް މެންބަރުން ނަގައިފަ އެވެ. ނަމަވެސް، ދެން އަލުން އެފްއޭއެމްގެ އިންތިޚާބަށް އިއުލާން ކުރާނެ ތާޜީޚެއް ހާމަކޮށްފައެއް ނުވެ އެވެ.