އިމާރާތެއްގެ 9 ވަނަ ފަންގިފިލާއިން ބިދޭސީއަކު ވެއްޓިގެން ފަރުވާދެނީ
13 ފެބުރުއަރީ 2024 | އަންގާރަ 08:46އޭނާގެ ޙާލު ސީރިއަސް
ލައިޝާ އަހްމަދު | 13 ފެބުރުއަރީ 2024 | އަންގާރަ 08:46
ފުލުހުންގެ މައި ޢިމާރަތް
އިމާރާތެއްގެ 9 ވަނަ ފަންގިފިލާއިން ބިދޭސީއަކު ވެއްޓިއްޖެއެވެ.
ދިވެހި ފުލުހުންގެ ޚިދުމަތުން ބުނީ، ޗާންދަނީ މަގުގައި ހުރި އިމާރާތެއްގެ މަތިން މީހަކު ވެއްޓިފައިވާ ކަމުގެ މައުލޫމާތު މިއަދު ހެނދުނު 10:30 ހާއިރު ފުލުހުންނަށް ލިބިފައިވާ ކަމަށެވެ.
އެ މީހާއަށް އައިޖީއެމްއެޗްގައި ފަރުވާ ދެމުން އަންނަ ކަމަށް ވެސް ފުލުހުން ބުނެއެވެ.
ފުލުހުން ބުނީ، އޭނާ ވެއްޓިފައިވަނީ އިމާރާތެއްގެ 9 ވަނަ ފަންގިފިލާއިން ސިޑިގޮޅިން އެންމެ ތިރިއަށް ކަމަށެެވެ.
އޭނާގެ ޙާލު ސީރިއަސްކަމަށް ވެސް ފުލުހުން ބުނެއެެވެ.
