ދެ މެޗު އިތުރަށް ކުޅެ، އާސެނަލް ދެވަނަ އަށް

މެންޗެސްޓަރ ސިޓީއަށްވުރެ އިތުރަށް ދެ މެޗު ކުޅެ, އާސެނަލް އިނގިރޭސި ޕްރިމިއަރ ލީގު ތާވަލްގެ ދެވަނަ އަށް ޖެހިލައިފި އެވެ.

އާސެނަލް ލީގު ތާވަލްގެ ދެވަނަ އަށް ޖެހިލީ 2-1 ން ނޮޓިންގހަމް ފޮރެސްޓް ބަލިކޮށްގެންނެވެ. މެޗުގައި އާސެނަލްގެ ދެ ލަނޑު ދެވަނަ ހާފުގައި ޖެހީ ޖެސޫސް އާއި ސަކާ އެވެ. މެޗުގެ ފަހު މިނެޓުގައި ނޮޓިންގހަމް ފޮރެސްޓްގެ ހަމައެކަނި ލަނޑު ޖެހީ އަވޯނިޔީ އެވެ. މިމޮޅާއެކު އާސެނަލް ދެ ވަނައަށް ޖެހިލީ 22 މެޗުން 46 ޕޮއިންޓް ހޯދައިގެންނެވެ. ތިންވަނަގައިގައި ސިޓީ އޮތީ 20 މެޗުން 43 ޕޮއިންޓާ އެކުއެވެ. އެއްވަނައިގައި ލިވަޕޫލް އޮތީ 21 މެޗުން 48 ޕޮއިންޓާ އެކުއެވެ.

އާސެނަލްއާއި ލިވަޕޫލާއި ސިޓީވެސް އޮތީ ލީގުގެ ރޭހުގައެވެ. 22 މެޗުން 43 ޕޮއިންޓާއެކު ހަތަރު ވަނައިގައި އޮތް އެސްޓަން ވިލާ ވެސް އޮތީ ލީގަށް ވާދަކުރެވޭ ހިސާބުގައެވެ.