ބީޖީ ބަލިކޮށް، ނިއުރޭޑިއަންޓް ކްއާޓާ ފައިނަލް ޔަގީންކޮށްފި

ބީޖީ ސްޕޯރޓްސް ކްލަބް ބަލިކޮށް, ދެވަނަ ޑިވިޝަން ފުޓްބޯޅަ މުބާރާތުގެ ކްއާޓާ ފައިނަލްގެ ޖާގަ ނިއުރޭޑިއަންޓުން ޔަގީން ކޮށްފިއެވެ.

އަލުން ފުރަތަމަ ޑިވިޝަންގެ ޖާގަ ހޯދަން މަސައްކަތް ކުރަމުން އަންނަ ނިއުރޭޑިއަންޓް ކްއާޓާ ފައިނަލްގެ ޖާގަ ޔަގީންކުރީ 4-0 ން ބީޖީ ބަލިކޮށް ހޯދި ތިން ޕޮއިންޓާއެކު ޖުމްލަ 9 ޕޮއިންޓް ހޯދައިގެންނެވެ. ނިއުރޭޑިއަންތް ދެ މެޗުން މޮޅުވިއިރު, އެއް މެޗުން ޕޮއިންޓް ލިބުނޫ ނުކުޅެއެވެ. މިގްރޫޕްގައި ޓެންޓް ސްޕޯރޓްސް ކްލަބްވެސް އޮތީ 9 ޕޮއިންޓާއެކު އެވެ. ގްރޫޕްގެ އެއްވަަ ޔަގީންވާނީ ނިއުރޭޑިއަންޓާއި ޓެންޓް ސްޕޯރޓްސް ކްލަބް ވާދަކުރާ މެޗުންނެވެ.

ބީޖީ އަތުުން މޮޅުވި މެޗުގައި ނިއުރޭޑިއަންޓްގެ ފުރަތަމަ ލަނޑު ޖެހީ މިދިޔަ އަހަރުވެސް ނިއުއަށް ކުޅުނު ކޯފީ އެވެ. އިސްމާއީލް ވިފާގު ހުސްކޮށްލާފައި އޭރިޔާ ތެރެއަށް ނަގައިދިން ބޯޅަ ކޯފީ ގޯލަށް ފޮނުވާލީ ހުހަށް ހުރެއެވެ. މިއީ އިސްމާއީލް ވިފާގު ނިއުއަށް ކުޅުނު ފުރަތަމަ މެޗެވެ. ދެވަނަ ގޯލް ހިލޭޖެހުމެއް ތިރިތިރިން ގޯލްގެ ކަނަސް ފޮނުވާލައިގެން ކާމިޔާބުކުރީ މިޑްފީލްޑަރ އަބޫ ސަނޫނޫ އެވެ. ތިންވަނަ ގޯލް ބީޖީ ހާފްގެ މެދަކާ ހިސާބުން ފޮނުވާލި ހިލޭޖެހުމަކުން ކާމިޔާބުކުރީ އުޒުބެކިސްތާންގެ އަޒަމޯވް ޖޮވޯހިރު އެވެ. ފަހު ލަނޑު ދެވަނަ ހާފްގައި ބަދަލަށް ނިކުމެ ޖެހީ އަޔާޒު އަހުމެދެވެ. ފުރަތަމަ މެޗުގައިވެސް ބަދަލަކަށް ނިކުމެ އަޔާ ލަނޑު ޖެހިއެވެ.