އެސްޑީއެފްސީގެ މެނޭޖިންގ ޑިރެކްޓަރަކަށް އައިޝަތު ފިފްޝީން އަލީ އައްޔަނުކުރައްވައިފި
ދާދި ފަހުން އެސްޑީއެފްސީއަށް ޑެޕިއުޓީ މެނޭޖިންގ ޑިރެކްޓަރެއް ވެސް ވަނީ އައްޔަނުކުރައްވާފައި
އައިޝަތު ފިފްޝީން އަލީ
އެސްއެމްއީ ޑިވެލޮޕްމަންޓް ފައިނޭންސް ކޯޕަރޭޝަން (އެސްޑީއެފްސީ)ގެ މެނޭޖިންގ ޑިރެކްޓަރުކަމާއި އެގްޒެކެޓިވް ޑިރެކްޓަރު ކަމުގެ މަގާމަށް އާއިޝަތު ފިފްޝީން އަލީ އައްޔަނުކުރައްވައިފިއެވެ.
ދާދި ފަހުން އެސްޑީއެފްސީއަށް ޑެޕިއުޓީ މެނޭޖިންގ ޑިރެކްޓަރެއް ވެސް ވަނީ އައްޔަނުކުރައްވާފައެވެ. އެއީ ފާތިމަތު މީޒާ އާދަމެވެ.
އެސްޑީއެފްސީ އެކުލަވާލާފައި ވަނީ އެންމެ ކުދި، ކުދި އަދި މެދު ފަންތީގެ ވިޔަފާރިތަކަށް ދިމާވާ ގޮންޖެހުންތައް ހައްލުކުރުމަށެވެ. އަދި ފަސޭހައިން ލޯނު ލިބޭނެ މަގެއް ހަމަޖެއްސުމަކީ ވެސް އެ ކުންފުނީގެ މަގްސަދެކެވެ. މީގެ އިތުރުން ރާއްޖޭގައި އަލަށް އުފައްދާ އަދި ކުރިއަރަމުން އަންނަ ކުދި އަދި މެދު ފަންތީގެ ވިޔަފާރިތަކަށް ބޭނުންވާނެ މާލީ އެހިތެރިކަން ފޯރުކޮށްދިނުމާއި ލުއިގޮތަކަށް ލިބޭނޭ ލޯނު ތައާރަފްކޮށް އެ މަސައްކަތް ދެމެހެއްޓެނިވި ގޮތެއްގައި ކުރިޔަށް ގެންދިއުމަކީ އެ ކުންފުނީގެ މަޤްސަދެކެވެ.
