އާސެނަލް ބޮޑު މޮޅެއް ހޯދާ، ލީގު ރޭހުގައި

މިދިޔަ އަހަރު ނިމެންދިޔައިރު ފޯމް ދަށްކޮށް އޮތް އާސެނަލް އިން ބޮޑު މޮޅެއް ހޯދާ, ލީގުގެ ރޭހުގައި ދެމިއޮތްކަން ސާބިތުކޮށްދީފި އެވެ.

އާސެނަލް އިން ލީގުގައި ބޮޑު މޮޅެއް ހޯދީ އަމިއްލަ ދަނޑުގައި ކްރިސްޓަލް ޕެލަސް 5-0 ން ބަލިކޮށްގެންނެވެ. މެޗުގެ އިތުރު ވަގުތުގައި އާސެނަލްގެ ފަހު ދެ ލަނޑު ޖެހީ މާޓިނެލީ އެވެ. ފުރަތަމަ ލަނޑު 11 ވަނަ މިނިޓްގައި ޖެހީ ގަބްރިއެލް އެވެ. ދެވަނަ ލަނޑަކީ ހެންޑަރސަން އަތުން ބައިކޮޅަށް ވަން ލަނޑެކެވެ. ދެވަނަ ހާފްގެ ކުރީކޮޅު ތިންވަނަ ލަނޑު ޖެހީ ޓްރޮސާޑް އެވެ. މާޓިނެލީ ލަނޑު ޖެހީ އިތުރު ވަގުތުގެ ހަތަރު ވަނަ މިނިޓާއި, ފަސްވަނަ މިނިޓްގައެވެ.

މޮޅާއެކު އާސެނަލް ވަނީ 21 މެޗުން 43 ޕޮއިންޓާއެކު ތިންވަނަ އަށް ޖެހިލާފައެވެ. ދެވަނައިގައި އޮތީ 20 މެޗުން 43 ޕޮއިންޓާއެކު މެންޗެސްޓަރ ސިޓީ އެވެ. އެއްވަނައިގައި ލިވަޕޫލް އޮތީ 45 ޕޮއިންޓާ އެކުއެވެ. ހަފްތާއެއްގެ ބްރޭކަށް ދިޔައިރު އާސެނަލް އޮތީ ރަނގަޅު ފޯމެއްގައެއް ނޫނެވެ. ނަމަވެސް އެނބުރި އައިސް މިހޯދި މޮޅަކީ އާސެނަލްއަށް ރަނގަޅު އާ ފެށުމެކެވެ.