ރަށު ކައުންސިލްތަކުގެ އިހުތިސާސްގައި ނުހިމެނޭ ރަށްތަކާއި ފަޅުތައް ކައުންސިލުތަކާ ހަވާލުކުރެވޭނެ އުސޫލެއް
20 ޖެނުއަރީ 2024 | ހޮނިހިރު 08:22މި ގަވާއިދުގެ ދަށުން ދޫކުރާނެ ފަޅުރަށްރަށް ކަނޑައަޅާނީ ރައީސުލްޖުމްހޫރިއްޔާ
މި ގަވާއިދުގެ ދަށުން ދޫކުރާނެ ފަޅުރަށްރަށް ކަނޑައަޅާނީ ރައީސުލްޖުމްހޫރިއްޔާ
ރަށު ކައުންސިލްތަކުގެ އިހުތިސާސްގައި ނުހިމެނޭ ރަށްތަކާއި ފަޅުތައް ކައުންސިލުތަކާ ހަވާލުކުރެވޭނެ އުސޫލުތައް ބަޔާންކުރާ ޤަވާއިދެއް އެކުލަވާލައިފިއެވެ.
މި ޤަވާއިދަކީ މަސްވެރިކަމާއި ދަނޑުވެރިކަމާއި އިޤުތިޞާދީ ބޭނުންތައް ފިޔަވައި އެ ނޫން ބޭނުންތަކަށް ފަޅުރަށްރަށް ދޫކުރުމާބެހޭ ގަވާއިދެވެ.
ޤަވާއިދުގައި ބުނެފައިވަނީ ރަށު ކައުންސިލް ނުވަތަ ސިޓީ ކައުންސިލުގެ އިޙްތިޞާޞްގައި ނުހިމެނޭ ފަޅުރަށްތަކުގެ ތެރެއިން މި ގަވާއިދުގެ ދަށުން ދޫކުރާނެ ފަޅުރަށްރަށް ކަނޑައަޅާނީ ރައީސުލްޖުމްހޫރިއްޔާ ކަމަށެވެ.
އަދި އިދާރީ ދާއިރާއެއްގައި ހިމެނޭ ފަޅުރަށްރަށުގެ ތެރެއިން ރަށެއްގެ ނުވަތަ ސިޓީއެއްގެ އިޙްތިޞާޞްގައި ހިމެނޭ ފަޅުރަށްރަށް ދޫކުރާނީ ، ގަވާއިދުގައިވާ ގޮތުގެ މަތިން އެ ރަށެއް ނުވަތަ އެ ސިޓީއެއް ނިސްބަތްވާ ކައުންސިލުންކަމަށްވެސް ބަޔާންކޮށްފައިވެއެވެ.
އޭގެ އިތުރުން، އިދާރީ ދާއިރާއެއްގައި ހިމެނޭ ފަޅުރަށްރަށުގެ ތެރެއިން ރަށެއްގެ ނުވަތަ ސިޓީއެއްގެ އިޙްތިޞާޞްގައި ނުހިމެނޭ ފަޅުރަށްރަށް ދޫކުރާނީ މި ގަވާއިދުގައިވާ ގޮތުގެ މަތިން މިނިސްޓްރީންކަމަށްވެސް ބުނެފައިވެއެވެ.
މި ގަވާއިދުގެ ދަށުން ފަޅުރަށްރަށް ނުވަތަ ރަށަކުން ބައެއް ދޫކުރަނީ ބީލަމުގެ އުސޫލުން އާންމުކޮށް އިއުލާނުކޮށްގެން އެކަށީގެންވާ އެންމެ ރަނގަޅު ހުށަހެޅުމެއް ހުށަހަޅާ ފަރާތަކަށް؛ ނުވަތަ ރަށުގައި ކުރަން ބޭނުންވާ ކަމަކާބެހޭ ތަފުސީލު ރިޕޯޓަކާއެކު އާންމު ފަރާތަކުން ހުށަހެޅުމުން، ގަވާއިދުގައި ބަޔާންކޮށްފައިވާ ގޮތުގެ މަތިން ކަނޑައަޅާ ފަރާތަކަށް، ނުވަތަ ރަށުގައި ކުރަން ބޭނުންވާ ކަމަކާބެހޭ ތަފުސީލު ރިޕޯޓަކާއެކު ކައުންސިލަކުން ނުވަތަ ކައުންސިލްތަކަކުން ހުށަހެޅުމުންނެވެ.
މި ގަވާއިދުގައި ރަށުގެ ގުދުރަތީ ނުވަތަ ތަބީއީ ސިފަ ދަމަހައްޓައި ހިމާޔަތްކުރުން ހިމަނާފައިވެއެވެ.
ގާނޫނުގައި ނުވަތަ މި ގަވާއިދުގައި ބަޔާންކޮށްފައިވާ ކަމަކާ ޚިލާފަށް ފަޅުރަށް ދޫކޮށްފައިވާ ބޭނުން ނޫން އެހެން ބޭނުމަކަށް ރަށް ނުވަތަ ރަށުން ބައެއް ބޭނުންކޮށްފިނަމަ އެއްބަސްވުމުގައި އެކަމުގައި ކަނޑައަޅައިފައިވާ ފިޔަވަޅުގެ އިތުރުން ގިނަވެގެން އެއް މިލިޔަން ރުފިޔާއިން ޖޫރިމަނާ ކުރުމުގެ އިޚްތިޔާރު ފަޅުރަށް ދޫކުރާ ފަރާތަށް ލިބިގެންވެއެވެ.
