ސަސްޕެންޝަންގައި ތިއްބެވި ނަމަވެސް، ނައިބު ވަޒީރުންގެ މުސާރަ ހިނގާނެ: ސަރުކާރު
10 ޖެނުއަރީ 2024 | ބުދަ 08:16ސަސްޕެންޝަންގެ މުއްދަތުގައިވެސް މުސާރަ ހިނގާނެކަމަށް ޚަލީލް ވިދާޅުވި
ސަސްޕެންޑު ކުރި ތިން ނައިބު ވަޒީރުން
އިންޑިޔާގެ ބޮޑުވަޒީރު، ނަރެންދުރަ މޯދީއަށް ފާޑުވިދާޅުވި ސަރުކާރުގެ ތިން ނައިބު ވަޒީރަކު ސަސްޕެންޑްކޮށްފައިވަނީ މުސާރަ ހިނގާގޮތަށް ކަމަށް ރައީސް އޮފީހުން ބުނެފިއެވެ.
ރައީސް އޮފީހުގެ ކޮމިއުނިކޭޝަން މިނިސްޓަރު އިބްރާހިމް ޚަލީލު ވިދާޅުވެފައިވަނީ ނައިބް ވަޒީރުން ސަސްޕެންޑް ކޮށްފައިވަނީ އެ މައްސަލަ ބެލުމަށް ކަމަށާއި، ސަސްޕެންޑް ކޮށްފައިވަނީ މުއްދަތެއް ނެތް ގޮތަށް ކަމަށެވެ.
އެހެންނަމަވެސް، ސަސްޕެންޝަންގެ މުއްދަތުގައިވެސް މުސާރަ ހިނގާނެކަމަށް ޚަލީލް ވިދާޅުވިއެވެ.
ތިން ނައިބު ވަޒީރަކު ސަސްޕެންޑްކޮށްފައިވަނީ އިންޑިޔާގެ ބޮޑުވަޒީރަށް ސިދާ އަމާޒުކޮށް، އިސްރާއީލުގެ ޕަޕެޓު، ޖޯކު އަދި އިންޑިޔާ އަކީ ހަޑި ގައުމެއްގެ ގޮތުގައި ސިފަކުރައްވާ ގޯސް ވާހަކަތަކެއް ދެއްކެވުމާ ގުޅިގެންނެވެ.
އެގޮތުން ސަސްޕެންޑު ކުރި ނައިބު ވަޒީރުންނަކީ މަރިޔަމް ޝިއުނާ، މަލްޝާ ޝަރީފް އަދި މަހުޒޫމް މާޖިދު އެވެ.
