ޖޭއެސްސީގެ ނައިބްރައީސަކަށް ޝުޖޫން
18 ޑިސެމްބަރު 2023 | ހޯމަ 05:03ޝުޖޫން އެ މަޤާމަށް އައްޔަނު ކުރައްވާފައިވަނީ އާދިއްތަ ދުވަހު މެމްބަރުންގެ ތެރޭގައި ނެގުނު ވޯޓުގެ އަޢުލަބިއްޔަތުން
ސުޕްރީމް ކޯޓުގެ ފަނޑިޔާރު އައިޝާ ޝުޖޫން މުޙައްމަދު
ޖުޑީޝަލް ސަރވިސް ކޮމިޝަން (ޖޭއެސްސީ) ގެ ނައިބްރައީސަކަށް ސުޕްރީމް ކޯޓުގެ ފަނޑިޔާރު އައިޝާ ޝުޖޫން މުޙައްމަދު އައްޔަނު ކުރައްވައިފިއެވެ.
ޖޭއެސްސީގެ މީޑިއާ އޮފިޝަލު ރާއްޖެއެމްވީއަށް ވިދާޅުވީ، ޝުޖޫން އެ މަޤާމަށް އައްޔަނު ކުރައްވާފައިވަނީ އާދިއްތަ ދުވަހު މެމްބަރުންގެ ތެރޭގައި ނެގުނު ވޯޓުގެ އަޢުލަބިއްޔަތުންކަމަށެވެ.
އެ މަޤާމުގައި ކުރިން ހުންނެވީ ޖޭއެސްސީގެ ކުރީގެ މެމްބަރު މަސްތޫރު ހުސްނީއެވެ.
ޝުޖޫންއަކީ ރާއްޖޭގައި އައްޔަންކުރެވުނު ފުރަތަމަ އަންހެން ދެ ފަނޑިޔާރުންގެ ތެރެއިން އެއް ބޭފުޅެކެވެ. ސުޕްރީމް ކޯޓަށް އައްޔަންކުރެއްވުމާއެކު ޝުޖޫން ވެވަޑައިގެންފައިވަނީ ސުޕްރީމް ކޯޓަށް އައްޔަނު ކުރެވުނު ފުރަތަމަ ދެ އަންހެން ފަނޑިޔާރުންގެ ތެރޭގަ އެވެ.
