އާޒިމާއި ހަވާލުކުރި މަސައްކަތްތައް މިހާތަނަށް ކޮށްފައި ހުރީ ރައްޔިތުންނަށް ފެންނަ ގޮތަށް ރައްޔިތުންނާއި ގާތުން ރައްޔިތުންގެ ހިޔާލު ހޯދައިގެން
ހުޅުމާލެ ދާއިރާގެ މެންބަރު އަލީ ނިޔާޒް
ކެންޑިޑޭޓެއްގެ ކިބައިގައި އިންތިހާބަކުން މޮޅުވުމަށްޓަކައި ހުންނަންޖެހޭ ހުރިހާ ސިފައެއް އާދަމް އާޒިމްގެ ކިބައިގައި އެބަހުރި ކަމަށް ހުޅުމާލެ ދާއިރާގެ މެންބަރު އަލީ ނިޔާޒު ވިދާޅުވެއްޖެއެވެ.
"ފެހި ތަނަވަސް މާލެ" ކެމްޕޭންގެ ތެރެއިން މާލެ ސިޓީ މޭޔަރު އަދި ކައުންސިލްގެ ހުސްވެފައިވާ 3 ދާއިރާއަށް ވާދަކުރައްވާ އެމްޑީޕީގެ ކެންޑިޑޭޓުންގެ ކެމްޕޭން ރަސްމީކޮށް ފެށުމުގެ ޖަލްސާގައި ވާހަކަފުޅު ދައްކަވަމުން ނިޔާޒު ވިދާޅުވީ އާޒިމާއި ހަވާލުކުރި މަސައްކަތްތައް މިހާތަނަށްކޮށްފައި ހުރީ ރައްޔިތުންނަށް ފެންނަ ގޮތަށް ރައްޔިތުންނާއި ގާތުން ރައްޔިތުންގެ ހިޔާލު ހޯއްދަވައިގެން ނަތީޖާ ނެރެދެއްވާފައިވާ ކަމަށެވެ.
ނިޔާޒް ވިދާޅުވީ މާލޭގެ ރައްޔިތުން ވެސް އަދި ހުޅުމާލޭގެ ރައްޔިތުން ވެސް ބޭނުންވަނީ އެފަދަ ވެރިއެއް ހުޅުމާލެ ހިމެނޭގޮތަށް މާލެ ސިޓީގެ މޭޔަރެއްގެ ގޮތުގައި ހުންނެވުމަށް ކަމަށެވެ.
ނިޔާޒް ވިދާޅުވީ ރައްޔިތުން ބޭނުންވަނީ ހިދުމަތްދެނީ ކޮންތަނަކުންތޯ ބެލުމެއް ނޫން ކަމަށާއި ބޭނުންވަނީ ގަވާއިދުން ރައްޔިތުންނާއި މަޝްވަރާކުރެވި، ރައްޔިތުން ބޭނުންވާ ބަދަލު ގެނެސްގެން ކަންކަން ކުރުން ކަމަށެވެ. އަދި އެކަން ކުރައްވާނެ މާލިމީއަކީ އާޒިމް ކަމަށް ނިޔާޒް ވިދާޅުވިއެވެ.
