ރިޔާޒު ފުލުހަށް ހާޒިރު ކުރުން މިރެއަށް ލަސްކޮށްފި
27 ޖުލައި 2017 | ބުރާސްފަތި 08:12މެމްބަރުންގެ މައްޗަށް ތުހްމަތުކޮށްފައިވަނީ ޖުލައި 24 ވަނަ ދުވަހު ފުލުހުންގެ ސަފުތައް ފަޅާލުން
ކިނބިދޫ ދާއިރާގެ މެމްބަރު އަބްދުﷲ ރިޔާޒު
ޖުލައި 24 ވަނަ ދުވަހު ރައްޔިތުންގެ މަޖިލީހަށް ވަދެވަޑައިގެންނެވި މެމްބަރުންގެ މައްޗަށް، ފުލުހުންގެ ސަފުތައް ފަޅާލި ކަމަށް ތުހްމަތުކޮށް، އެ މެމްބަރުންނަށް ފުލުހުން ޗިޓް ފޮނުވަމުންދާއިރު ކިނބިދޫ ދާއިރާގެ މެމްބަރު އަބްދުﷲ ރިޔާޒު މިރޭ ފުލުހަށް ހާޒިރުވުމަށް އަންގައިފިއެވެ.
އަބްދުﷲ ރިޔާޒު ރޭ 8:00 އަށް ޕޮލިހަށް ހާޒިރުކޮށްފައިވާއިރު ވަކީލައާއި އެކު ބުރާސްފަތި ދުވަހު 1:00 އަށް ފުލުހަށް ހާޒިރުވާން އެންގުމަށްފަހު ވަނީ މިރެއަށް ލަސްކޮށްފައެވެ. އެގޮތުން ރިޔާޒަށް ވަނީ މިރޭ 21:00 އަށް ވަކީލާއެކު ފުލުހަށް ހާޒިރުވުމަށް އަންގާފައެވެ. މިއަދުވެސް ވެސް ބައެއް މެމްބަރުން ހާޒިރުވުމަށް ވަނީ ޗިޓް ފޮނުވައިފައެވެ.
ރައްޔިތުންގެ މަޖިލީހުގެ މައިނޯރިޓީ ލީޑަރު އިބްރާހިމް މުހައްމަދު ސޯލިހް އާއި މާފަންނު ހުޅަނގު ދާއިރާގެ މެމްބަރު މުހައްމަދު ފަލާހު މިއަދު ޕޮލިހަށް ހާޒިރުކުރަން ވަނީ އަންގައިފަ އެވެ.
