މަސްނޫޢީ ގުނަވަންތަކަށް ގެނައި ބަދަލާއެކު ނުކުޅެދޭ މީހުންގެ ދިރިއުޅުމަށް އުޖާލާ ބަދަލެއް
4 ނޮވެމްބަރު 2023 | ހޮނިހިރު 05:14ބްރެއިންކޯއިން ބުނާ ގޮތުގައި، އެ އަތުގެ ކޮންމެ އިނގިއްޔަކީވެސް ވަކިވަކީން ހަރަކާތްތައް ކޮންޓްރޯލް ކުރެވޭ ގޮތަށް ފަރުމާ ކޮށްފައި ވާ އަތެއް
ބްރެއިންކޯ އިން ވަނީ މަސްނޫޢީ އަތުގެ އިތުރުން، މަސްނޫޢީ ފަޔެއްވެސް އީޖާދު ކޮށްފައި
ސައެންސްއާއި ޓެކްނޮލޮޖީގެ ރޭހުގައި ޗައިނާއިން ހޯދަމުން ދާ ކުރިއެރުންތަކަކީ ވާދަވެރި ޤައުމުތަކާ އަޅާ ބަލާއިރު މާ ކުރީގައި އޮތް ކަމެކޭ ދެންނެވިދާނެއެވެ. މަސްނޫޢީ ތޫނުފިލިކަން އަސްލަކަށް ބަލައިގެން، އިންސާނާގެ ސިކުނޑިއަށް މަސްނޫޢީ ދިރުމެއް ގެނެސް ދިނުމުގައި ޗައިނާގެ ސައެންސްވެރިން ކުރިއެރުން ހޯދަމުން ދަނީ ހަލުވި ދުވެއްޔެއްގައެވެ. އެކަމަކު ފައިދާ، ސީދާ ގޮތުން ކުރަމުން ދަނީ އެކި ގޮތް ގޮތުން ސިކުނޑީގައި ނުކުޅެދުންތެރިކަން ހުންނަ މީހުންނަށެވެ. ނުކުޅެދުންތެރިކަން ހުންނަ މީހުންގެ ދިރިއުޅުމަށް އިތުރު ލުއި ފަސޭހަ ކަމާއި، ކުރިއެރުން ހޯދައިދެއެވެ.
ސިކުނޑީގެ ތޫނިފިލަކަމާ ގުޅިފައި ވާ ޓެކްނޮލޮޖީގެ ތަޖުރިބާތައް ކުރިއަރުވާ ތަރައްޤީ ކުރުމުގައި ޗައިނާއިން ވަނީ މިދިޔަ އަހަރުތަކުގައި ގިނަ މަސައްކަތްތަކެއް ކޮށްފައެވެ. އެ ކަމުގެ ނަތީޖާއަކަށް ވީ، ގިނަ ޢަދަދެއްގެ ދިރާސާ ޓީމުތައް އުފެދި، ބައިނަލްއަޤުވާމީ ނުފޫޒާއެކު، އާ އީޖާދުތަކަށް ޚާއްޞަ ކުންފުނިތައް އުފެދިގެން ދިއުމެވެ.
ހީވެސް ނުކުރާ ގޮތްގޮތަށް ޓެކްނޮލޮޖީ ބޭނުން ކުރާ މިންވަރު ދަނީ އިތުރު ވަމުންނެވެ. ބައިނަލްއަޤުވާމީ ފެންވަރުގައި ފާހަގަ ކުރެވެ ޕްލެޓްފޯމްތަކުގައިވެސް ޗައިނާއިން މިހާރު ދަނީ ސިކުނޑީގެ ތޫނުފިލިކަން އަސްލަކަށް ބަލައިގެން ތަރައްޤީ ކުރަމުން ޓެކްނޮލީޖީ ބޭނުން ކުރަމުންނެވެ. އެގޮތުން ޗައިނާގެ ޝީޖިއާންގް ޕްރޮވިންސްގައި ދާދި ފަހުން ކުރިއަށް ގެންދިޔަ 4 ވަނަ، އޭޝިއަން ޕެރާ ގޭމްސްގައިވެސް އެ ޓެކްނޮލޮޖީގެ ބޭނުން ހިފި މަންޒަރު ވަނީ ފެނިފައެވެ.
އޭޝިއަން ޕެރަ ގޭމްސް ހުޅުވުމުގެ ރަސްމިއްޔާތުގައި، ޗައިނާގެ ފެތުން ތެރިޔާ ޝޫ ޖިއާލިންގް، 'ލޯރެލްސް' ދަންމަރު ހިފައިގެން ހުރީ، އޭނާގެ ސިކުނޑިން ކޮންޓްރޯލް ކުރަމުން ދިޔަ މަސްނޫޢީ އަތެއްގެ އެހީގައެވެ. އިވެންޓް ފެށުމުގެ ގޮތުން، ހުޅުގަނޑު ރޯކުރީވެސް އެ ޓެކްނޮލޮޖީގެ އެހީގައެވެ.
ޝޫ ބޭނުން ކުރަމުން ދިޔަ މަސްނޫޢީ އަތް އީޖާދު ކުރި ބްރެއިންކޯއިން ބުނާ ގޮތުގައި، އެ އަތުގެ ކޮންމެ އިނގިއްޔަކީވެސް ވަކިވަކީން ހަރަކާތްތައް ކޮންޓްރޯލް ކުރެވޭ ގޮތަށް ފަރުމާ ކޮށްފައި ވާ އަތެއް ކަމަށެވެ.
ބްރެއިންކޯ އިން ވަނީ މަސްނޫޢީ އަތުގެ އިތުރުން، މަސްނޫޢީ ފަޔެއްވެސް އީޖާދު ކޮށްފައެވެ. އެއީވެސް ސިކުނޑިން ކޮންޓްރޯލް ކޮމްޕިއުޓަރ ޓެކްނޮލޮޖީ ބޭނުން ކޮށްގެން އުފައްދާފައި ވާ މަސްނޫޢީ ފަޔެކެވެ. މަސްނޫޢީ ތޫނުފިލިކަމުގެ އެހީގައި އެއްކުރާ މަޢުލޫމާތުގެ މައްޗަށް ބިނާކޮށް، މަގުތަކުގެ ޙާލަތު ދެނެގަނެ، އެ ފައި ޖަހައިގެން ހުންނަ މީހާ ވެއްޓުމުގެ ފުރުޞަތު ވީހާވެސް ކުޑަ ކުރުމަށް، ބްރެއިންކޯއިން ވަނީ މަސައްކަތްތަކެއް ކޮށްފައެވެ.
އެ ކުންފުނީގެ އުފެއްދުންތަކާއި އީޖާދުތަކުގެ ސަބަބުން، ޖިސްމާނީ ނުކުޅެދުންތެރިކަން ހުންނަ އެތައް ހާސް ބައެއްގެ ދިރިއުޅުމަށް ހެޔޮ ބަދަލުތަކެއް އައިސްފައި ވާ ކަމަށް ބްރެއިންކޯއިން ބުނެއެވެ.
ސިކުނޑީގެ ތޫނުފިލިކަން އަސްލަކަށް ބަލައިގެން ފަރުމާ ކުރާ ޓެކްނޮލޮޖީއަކީ، ޖިސްމާނީ ނުކުޅެދުންތެރިކަން ހުންނަ މީހުންގެ އިތުރުން، ރީހެބިލިޓޭޝަން މަރުޙަލާގައި އުޅޭ އޯޓިސްޓިކް ކުދިންނާއި، ނިދުމުގައި އުނދަގޫތައް ހުންނަ މީހުންނާއި، ހާސްކަމާއި ނުތަނަވަސްކަން ނުވަތަ އެންޒައިޓީ ހުންނަ މީހުންނަށްވެސް އެހީއެއްގެ ގޮތުގައި ކޮންމެވެސް ވަރަކަށް ބޭނުން ކުރަމުން އަންނަ ޓެކްނޮލޮޖީއެކެވެ.
