އާސަންދައިގެ ދަށުން ފާމަސީތަކުން ބޭސް ދޫކުރާ އިރު، ބޭސް ގަންނަ މީހާގެ ފޯނަށް ފޮނުވާ ޑިސްޕެންސިން ކޯޑު ޖަހައިގެން ނޫނީ ބޭސް ނުނެގޭ ގޮތް އާސަންދައިން ހަމަޖައްސައިފި އެވެ.
އާސަންދަ އިން ގެނައި މި ބަދަލާ އެކު މާލެ ސަރަހައްދުގެ ފާމަސީތަކުން އާސަންދައިގެ ދަށުން ބޭސް ދޫކުރާ ނަމަ، ބޭސް ނަގަން ދާ މީހާގެ އައިޑީކާޑު ނަމްބަރާއި ފޯނު ނަމްބަރުގެ ތަފްސީލު ހޯދައި، ޑިސްޕެންސިން ކޯޑު ދިނުމުން ނޫނީ އެ މުއާމަލާތް ފުރިހަމައެއް ނުވާނެ އެވެ. މިފަދައިން އަމަލު ކުރަން އާސަންދައިން ނިންމީ އާންމުންގެ ފަރާތުން ލިބޭ ޝަކުވާގެ ސަބަބުން ކަމަށް އެ އިދާރާއިން ބުނެ އެވެ.
އާސަންދައިން މި ބަދަލު ގެނައުމުގެ ކުރިން އާސަންދައިން ބޭސް ނަގާނަމަ ބޭނުންވަނީ ޑޮކްޓަރުގެ ބޭސް ސިޓީ އެއް އެކަންޏެވެ. އެހެން ނަމަވެސް މިފަހަރު މި ގެނެވުނު ބަދަލާއެކު ބޭސް ފިހާރަތަކުން ބިލްކުރަނީ ބޭސް ނަގަން ގޮސްގެންކަން ޔަގީންކުރެވޭނެ އެވެ.
މި ބަދަލަށް އަމަލު ކުރުމުގެ މަސައްކަތް މިދިޔަ އޮގަސްޓު މަހު ފެށި ނަމަވެސް، އަދި މި ބަދަލު ގެނައީ ހަމައެކަނި މާލެ ސަރަހައްދުގެ ފާމަސީތަކަށެވެ.
