ބީއެމްއެލްގެ އެހީގައި ބޭކަރީއެއް ހުޅުވައިފި

ބީއެމްއެލްގެ އެހީގައި "އައިނާސް ބައި ހައްވަން ކޭކްސް"ގެ ނަމުގައި ބޭކަރީއެއް ހުޅުވައިފިއެވެ.

މި ބޭކަރީ ހުޅުވާފައިވަނީ ހައްވާ ސޫޒަން ނަމަކަށް ކިޔާ ދިވެހި ޒުވާނެކެވެ. އޭނާ އަކީ 2010 ވަނަ އަހަރުން ފެށިގެން ހޮބީއެއްގެ ގޮތުގައި ކޭކު އަޅަމުން އަންނަ ފަރާތެކެވެ. އަދި ވިޔަފާރިއެއްގެ ގޮތުގައި ފުޅާކޮށް ފުލް ޓައިމް ބޭކާއެއްގެ ގޮތުގައި މި މަސައްކަތް ފަށާފައިވަނީ 2019 ވަނަ އަހަރު ކަމަށް ސޫޒަން ވަނީ ބުނެފައެވެ.

"އައިނާސް ބައި ހައްވަން ކޭކްސް" ބޭކަރީ އަކީ ޓޭކްއަވޭ ސްޓައިލަށް ޝޯޓް އީޓްސް، ރެޑިލީ އެވައިލަބަލް ކޭކު އަދި އެކި އެކި ހަފްލާތަކަށް ކޭކު ޕްރީ އޯޑަރުކޮށް ކަސްޓަމައިޒްކޮށްދޭނެ ބޭކަރީއެކެވެ.

ބީއެމްއެލްއިން މި ދިޔަ އަހަރުން ފެށި "ސްޓާޓް އަޕް ގްރާންޓް" ކާމިޔާބު ކުރާ ކޮންމެ ޕްރޮޕޯޒަލްއަކަށް 500،000ރ. ގެ ހިލޭ އެހީ ދެމުންދެއެވެ.