މިލާނުގައި ލިބެނީ ފަސް މިލިއަން ޕައުންޑްގެ މުސާރައެއް
ރަފައެލް ލިއޯ
ބޮޑުއަގުގައި ސައޫދީ އަރަބިއާގެ ލީގުގައި ކުޅެން ދިއުމަށްވުރެ ޔޫރަޕިއަން ޗެމްޕިއަންސް ލީގު މާ މުހިންމު ކަމަށް އޭސީމިލާނުގެ ފޯވަޑް ރަފޭލް ލިއާއޯ ބުނެފި އެވެ.
ސައޫދީ ލީގުގައި ކުޅެމުން އަންނަ ކްރިސްޓިއާނޯ ރޮނާލްޑޯގެ ގައުމަށް އުފަން އަދި ޕޯޗުގަލްގެ ގައުމީ ޓީމަށް ވެސް ކުޅެމުން އަންނަ ލިއާއޯ ބުނީ އޭނާގެ ހަމައެކަނި ވިސްނުމަކީ މިލާނުގައި ކާމިޔާބު ހޯދުން ކަމަށެވެ.
އޭނާ މިހެން ބުނިއިރު ސައޫދީ ބައެއް ކުލަބުތަކުން އޭނާ އަށް 10 މިލިއަންގެ މުސާރައެއް ވަނީ ހުށަހަޅާފަ އެވެ. މިލާނުގައި އޭނާ އަށް ލިބެނީ ޖުމުލަ ހަތް މިލިއަން ޕައުންޑްގެ މުސާރައެކެވެ. މީގެ ތެރެއިން ދެ މިލިއަނަކީ ޕާފޯމަންސް ބޭސް އެއްޗެކެވެ.
އޭސީ މިލާނުގެ އައު ކޮންޓްރެކްޓްގައި ލިއާއޯ ސޮއިކުރިއިރު ސައޫދީ ލީގަށް އިޓާލިއަން ލީގުގެ ގިނަ ކުޅުންތެރިންތަކެއް ވެސް ވަނީ ބޮޑު އަގުގައި ބަދަލުވެފަ އެވެ.
