މަކަރާއި ހީލަތުގެ މައްސަލައެއްގައި ދިވެހި އަންހެނަކު ހޯދަން އިއުލާނުކޮށްފި
22 އޯގަސްޓު 2023 | އަންގާރަ 07:30އޮގަސްޓް 28 ވަނަ ދުވަހުގެ 11:30 އަށް ދ. ކުޑަހުވަދޫ ޕޮލިސް ސްޓޭޝަނަށް ހާޒިރުވާން ޖެހޭ
ގ. ސައުތުބްރީޒް، މަރްޔަމް ރިޔާސާ (40އ)
މަކަރާއި ހީލަތުގެ މައްސަލައެއްގައި ދިވެހި އަންހެނަކު ހޯދަން އިއުލާނުކޮށްފިއެވެ.
ދިވެހި ފުލުހުންގެ ޚިދުމަތުން ބުނީ، ދ. ކުޑަހުވަދޫ ޕޮލިސް ސްޓޭޝަނުން ބަލަމުންދާ މަކަރާއި ހީލަތުގެ މައްސަލައެއްގެ ތަހުގީގަށް އޭނާ ހާޒިރުކުރުމަށް ބޭނުންވެ، އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާ ކަމަށެވެ.
ވުމާއެކު، ޖިނާއީ މައްސަލަތައް ތަހުގީގުކުރުމުގައި ފުލުހުން އަމަލުކުރާނެ އިޖުރާއަތުގެ ގަވާއިދުގެ 27 ވަނަ މާއްދާގައިވާ ގޮތުގެމަތިން ތަހުގީގަށް ހާޒިރުވުމަށް އަންގައި ފުލުހުން ވަނީ އިއުލާނުކޮށްފައެވެ
އެއީ ގ. ސައުތުބްރީޒް، މަރްޔަމް ރިޔާސާ (40އ) އެވެ. އޭނާ ހާޒިރުކުރަނީ މި މައްސަލައިގެ ތަހުގީގަށް، ސުވާލުކުރުމަށެވެ.
ފުލުހުން ވަނީ 2023 އޮގަސްޓް 28 ވަނަ ދުވަހުގެ 11:30 އަށް ދ. ކުޑަހުވަދޫ ޕޮލިސް ސްޓޭޝަނަށް ހާޒިރުވުމަށް އަންގަވާފައެވެ.
