މެންޗެސްޓަރ ޔުނައިޓެޑް ދޫކޮށް ފްރެޑް ފެނަބާޗޭ އަށް ސޮއިކޮށްފި

މެންޗެސްޓަރ ޔުނައިޓެޑް ދޫކޮށް ފްރެޑް ފެނަބާޗޭ އަށް ސޮއިކޮށްފިއެވެ.

ބްރެޒިލްގެ މިޑްފީލްޑަރު ޝަޚްތަރު ޑޮނެސްކުން ޔުނައިޓެޑަށް ބަދަލުވީ 2018 ވަނަ އަހަރު 47 މިލިއަން ޕައުންޑަށެވެ. އޭނާ ބުނީ ޔުނައިޓެޑުގައި ހޭދަކުރި ދުވަސްތަކަކީ ހުވަފެނެއް ހަގީގަތަކަށްވި ދުވަސްތަކެއް ކަމަށެވެ. އޭނާ އިތުރަށް ބުނީ ޔުނައިޓެޑުގައި ލިބުނު ފުރުސަތަށް އަބަދުވެސް ޝުކުރުވެރި ވާނެކަމަށެވެ.

ފްރެޑް ވިއްކާލުމަށްފަހު ޔުނައިޓެޑަށް 10 މިލިއަން ޔޫރޯ ލިބޭނެއެވެ. އަދި "އެޑް-އޮން" ގެ ގޮތުގައި އިތުރު ފަސް މިލިއަން ޔޫރޯ ލިބެނެކަމަށް ރިޕޯޓުތަކުން ބުނެއެވެ. ޔުނައިޓެޑާއެކު އޭނާ ހަދާފައިވާ އެއްބަސްވުން ހަމަވާން އޮތީ އަންނަ އަހަރުގެ ހޫނުމޫސުމުގައެވެ. ނަމަވެސް، ޔުނައިޓެޑުން ފްރެޑް ވިއްކާލަން ނިންމީ އައު ކުޅުންތެރިން ގެނައުމުގެ ފުރުސަތު ހޯދުމަށެވެ. ރިޕޯޓުތަކުން ދައްކާ ގޮތުން ފްރެޑްގެ ބަދަލުގައި ޔުނައިޓެޑަށް ގެންނާނީ މޮރޮކޯގެ ސޯފްޔަން އަރަބަތު އެވެ.

މިދިޔަ ސީޒަނުގައި ފްރެޑް ވަނީ ޔުނައިޓެޑަށް 56 މެޗު ކުޅެދީ ހަ ލަނޑު ޖަހައި، ލީގުގެ ތިންވަނައިގައި ނިންމާލުމަށް އެހީތެރިވެދީފައެވެ. އޭނާ ވަނީ ޔުނައިޓެޑަށް ޖުމްލަ 139 މެޗު ކުޅެދީފައެވެ.

ފެނަބާޗޭ އައު ސީޒަން ފެށީ މޮޅަކާއެކުއެވެ. ބުރާސްފަތި ދުވަހު ކޮންފަރެންސް ލީގު ކޮލިފިކޭޝަން މެޗުގައި ފެނަބާޗޭ ނިކުންނާނީ އެންކޭ މަރިބޯ އާ ދެކޮޅަށެވެ. މި މެޗުގައި ފްރެޑް ފެނުން އެކަށީގެންވެއެވެ.