ދެ ވަނަ މެޗުގައި ރެއާލުން ޔުނައިޓެޑު ވެސް ބަލިކޮށްފި
27 ޖުލައި 2023 | ބުރާސްފަތި 03:53މެޗުގައި ބެލިންހަމް ޖެހި ލަނޑަކީ ރެއާލަށް ބަަދަލުވި ފަހުން އޭނާ ޖެހި ފުރަތަމަ ލަނޑު
މެންޗެސްޓަރ ޔުނައިޓެޑާ ދެކޮޅަށް ކުޅުނު މެޗުގައި ލަނޑު ޖެހުމަށްފަހު ރެއާލުގެ ކުޅުންތެރިން އުފާ ފާާޅުކުރަނީ
އައު ސީޒަނަށް ތައްޔާރުވުމުގެ ގޮތުން ކުޅުނު ރަޙުމަތްތެރިކަމުގެ ދެ ވަނަ މެޗުގައި ރެއާލް މެޑްރިޑުން މެންޗެސްޓަރ ޔުނައިޓެޑުގެ މައްޗަށް ކުރި ހޯދައިފި އެވެ.
ބުރާސްފަތި ދުވަހު ކުޅުނު މެޗު ރެއާލުން ކާމިޔާބު ކުރީ 2-0 އިންނެވެ. މެޗު ފަށައިގެން ހަ ވަނަ މިނެޓުގައި ރެއާލަށް ލީޑު ނަގައިދިނީ އިންގްލެންޑުގެ ޒުވާން ކުޅުންތެރިޔާ ޖޫޑް ބެލިންހަމް އެވެ. މިއީ ޖަރުމަނުގެ ބޮރޫޝިއާ ޑޯޓްމަންޑު ދޫކޮށް ރެއާލަށް ބަދަލުވި ފަހުން އޭނާ އެ ޓީމަށް ޖަހައިދިން ފުރަތަމަ ލަނޑެކެވެ. މީގެ ކުރިން ރެއާލުން ކުޅުނު މެޗުގައި ވެސް ބެލިންހަމް ވަނީ ކުޅެފަ އެވެ. ރެއާލްގެ ފަހު ލަނޑު މެޗުގެ 89 ވަނަ މިނެޓުގައި ޖެހީ ޖޮސެލޫ އެވެ.
މިއީ އައު ސީޒަނަށް ތައްޔާރުވުމުގެ ގޮތުން ރެއާލުން ކުޅުނު ރަޙުމަތްތެރިކަމުގެ ދެ ވަނަ މެޗެވެ. ފުރަތަމަ މެޗުގައި އޭސީ މިލާން އަތުން އެ ޓީމު މޮޅުވީ ފަހަތުން އަރައި ތިން ލަނޑު ޖަހައިގެންނެވެ. ސީޒަން ފެށުމުގެ ކުރިން ރެއާލުން ރަޙުމަތްތެރިކަމުގެ އިތުރު ދެ މެޗު ކުޅޭނެ އެވެ. އެއީ ވާދަވެރި ބާސެލޯނާއާ ދެކޮޅަށް ކުޅޭ މެޗާއި، އިޓަލީގެ ޔުވެންޓަސްއާ ދެކޮޅަށް ކުޅޭ މެޗެވެ.
