މިނިވަން ދުވަސް ފާހަގަކުރުމަށް ހިންގާ ހަރަކާތްތަކާ ގުޅިގެން ޖުލައި 27 ވަނަ ދުވަހުގެ 14:00 އިން 28 ވަނަ ދުވަހުގެ 15:00 އަށް މާލެ ފަޅުތެރެ ޖެޓީ ނަންބަރު 3، 2، 1 އާންމު ދަތުރުފަތުރަށް ބަންދުވާނެ ކަމަށް ފުލުހުން ބުނެފިއެވެ.

މީގެއިތުރުން ފުލުހުން ވަނީ މި ސަރަހައްދުގައި އަޅާފައިވާ އުޅަނދުތައް ޖުލައި 27 ވަނަ ދުވަހުގެ 14:00 ގެ ކުރިން ނެގުމަށް އިލްތިމާސްކޮށްފައެވެ.

މިނިވަން ދުވަހާ ގުޅިގެން ޖުލައި 27 ވަނަ ދުވަހު މާލޭގެ މަގުތަކުގައި ޕެރޭޑު އަދި ފުޅަނދުބުރު ބޭއްވުމަށް ހަމަޖެހިފައިވާތީ، 15:00އިން 18:00 އަށް އަދި 19:00 އިން ފެށިގެން ހަރަކާތްތައް ނިމެންދެން، ވަކި ސަރަހައްދުތަކެއް އާންމު ދަތުރުފަތުރަށް ވަނީ ބަންދުކޮށްފައެވެ. އަދި ޕެރޭޑާއި ފުޅަނދުބުރު ބާއްވާ މަގުތަކާއި އެމަގުތަކާއި ގުޅިފައިވާ މަގުތަކުގެ ޓްރެފިކް ފްލޯރއަށް ފުލުހުން ވަނީ ބަދަލުތަކެއް ގެނެސްފައެވެ.