ވެލެންސިޔާ އަތުން ސަސް އަށް ބޮޑު މޮޅެއް

ނިކަމެތިވެފައިވާ ރާއްޖޭގެ އެންމެ ބޮޑު އެއް ކްލަބް ވެލެންސިޔާ އަތުން ސުޕަރ ޔުނައިޓެޑް ސްޕޯރޓްސް (ސަސް) އިން ބޮޑު މޮޅެއް ހޯދައިފިއެވެ.

އެމްޑަބުލިޔުއެސްސީ ދިވެހި ޕްރިމިއަރ ލީގުގެ ފުރަތަމަ ބުރުގައި ސަސްއިން ވެލެންސިޔާ ބަލިކުރީ 5-0 ނެވެ. މެޗުގެ ފުރަތަމަ ހާފްގައި ދެ ކުޅުންތެރިއަކު ދެ ލަނޑު ޖެހިއެވެ. އެއީ މެޗުގެ މޮޅު ކުޅުންތެރިޔާ އަލީ ނަސޫހު އާއި އަހުމަދު ހުސާމްއެވެ. ހުސާމް ދެ ލަނޑު ޖެހީ ފަސް މިނެޓުގެ ތެރޭގައެވެ. އެއީ 30 ވަނަ މިނެޓާއި, 35 ވަނަ މިނެޓުގައެވެ. ސަސްގެ ފަހު ލަނޑު ދެވަނަ ހާފްގައި ޖެހީ އިބްރާހީމް އަތީގު އެވެ.

މިމޮޅާއެކު ސަސް ވަނީ 9 ޕޮއިންޓާއެކު ތިންވަނައަށް ޖެހިލާފައެވެ. ބުރުގެ މައްޗަށް ސަސް އިން ކުރި ހޯދީ ގޯލްގެ ތަފާތުންނެވެ. އެކަމަކު މެޗު ހަމަކުރާއިރު އަލުން ތިންވަނަ ހޯދުމުގެ ފުރުޞަތު ބުރަށް އޮންނާނެއެވެ. ވެލެންސިޔާ ކުޅުނު ފަސް މެޗުންވެސް ވީ ބައްޔެވެ.

ލީގުގައި ބުރާސްފަތި ދުވަހު ހަވީރު ވާދަކުރާނީ މާޒިޔާއާ ބުރެވެ.