މަނީ ލޯންޑަރިންގެ ތުހުމަތުގައި ޕެރޫގެ ކުރީގެ ރައީސް އާއި އަނބިކަބަލުންގެ މައްޗަށް ދައުވާކުުރުމަށް ޕްރޮސިކިއުޓަރުން ތައްޔާރުވެފައި ވަނިކޮށް ފަނޑިޔާރުގެ އަމުރުފުޅަށް ދެ ކަނބަލުން ހައްޔަރުކޮށްފިއެވެ.

ބުރާސްފަތި ދުވަހު ކޯޓު އަމުރު ނެރުއްވުމާއެކު އޮލާންޓެ ހިމާލާ އަދި ނަދީން ހެރެއިޑާ ވަނީ ފުލުންގެ ބޮޑު ފައުޖެއްގެ ބެލުމުގެ ދަށުން ކޯޓަށް ގެންގޮސްފައެވެ.

ފަނޑިޔާރު ކެންސެޕްސިއޮން ވަނީ ތަހުގީގު ކުރިޔަށް ގެންދިއުމަށްޓަކައި އެމީހުން 18މަސްދުވަހަށް ބަންދުކުރުމަށް އަމުރުކޮށްފައެވެ.

ބްރެޒިލްއިން ޕެރޫއަށް ކަޅުފައިސާ އެތެރެކުރި ކަމަށް ތުހުމަތު ކުރެވޭ ކުރީގެ ރައީސް ބަންދުކުރުމަށް ފަނޑިޔާރުން އަމުރު ނެރުއްވި މިއީ ދެވަނަ ފަހަރަވެ.

ޕްރޮސިކިއުޓަރ ޖާމަން ޔުއަރއެޒް ވަނީ 2011 ވަނަ އަހަރުގެ އިންތިޚާބުގެ ކެމްޕެއިނަށް ކުރީގެ ރައީސްގެ ދެ ކަނބަލުން ގާނޫނާ ޚިލާފަށް 3 މިލިއަން ޑޮލަރު ހޯއްދެވި ކަމަށް ތުހުމަތުކުރެވޭ މައްސަލައިގައި ބްރެޒިލްގެ ކޮންސްޓްރަކްޝަން ފާމެއް ކަމަށްވާ އޯޑެބްރެކްގެ ފަރާތުން ހެކިބަސް ނަގާފައެވެ.

މީގެ އިތުރުން ނާކާމިޔާބުވި އެ އިންތިޚާބުގައި ވެނެޒުއޭލާގެ ކުރީގެ ރައީސް ހޫގޯ ޗަވޭޒްގެ އަތުން ވެސް ފައިސާ ހޯއްދަވާފައިވާ ކަމަށް ޔުއަރއެޒް ތުހުމަތު ކުރައްވައެވެ.

އެ ފައިސާއަކީ ވެސް އޭގެ މައުލޫމާތު ހާމަކޮށްފައި ނުވާ ފައިސާއެވެ.

އަސްކަރިއްޔާގައި ކުރިން މަސައްކަތް ކުރައްވާފައިވާ ހުމާލާ ވަނީ 2011 އިން 2016 އަށް ޕެރޫގެ ވެރިކަން ކުރައްވާފައެވެ. ދެމަފިރިންގެ މައްޗަށް ކުރާ ތުހުމަތު ދޮގުކޮށް ދެ ބޭފުޅުން ވެސް ވަނީ ޝަރީއަތުގެ ކުރިން ބަންދުކުރުމަށް ކޮށްފައިވާ އަމުރަކީ ބޭއިންސާފު އަމުރެއް ކަމަށް ވިދާޅުވެފައެވެ.