ޙައްޖުގެ މަތިވެރި އަޅުކަމަށްފަހު އިސްލާމިކް މިނިސްޓަރ ރާއްޖެ ވަޑައިގެންފި
4 ޖުލައި 2023 | އަންގާރަ 06:05ރާއްޖެއިން ޙައްޖަށް ދިޔަ ޙައްޖުވެރިން ރާއްޖެ އަންނަން ފަށާނީ މި މަހުގެ 07ން ފެށިގެން
ޙައްޖުގެ މަތިވެރި އަޅުކަމަށްފަހު ރާއްޖެ ވަޑައިގަތުން
ޙައްޖުގެ މަތިވެރި އަޅުކަން އަދާކުރެއްވުމަށް ފަހު މިނިސްޓަރ އޮފް އިސްލާމިކް އެފެއާޒް ޑރ އަޙްމަދު ޒާހިރު ޢަލީ ރާއްޖެ ވަޑައިގެންފިއެވެ. މިނިސްޓަރ ރާއްޖެ ވަޑައިގެންނެވީ މިއަދު ހެނދުނުގެ ވަގުތެއްގައެވެ.
މިއަހަރުގެ އަމީރުލް ޙައްޖުގެ ގޮތުގައި ރައީސުލްޖުމްހޫރިއްޔާ އިބްރާހިމް މުހައްމަދު ޞާލިޙް ހަމަޖެއްސެވި، ރައީސުލްޖުމްހޫރިއްޔާގެ ނާއިބު ފައިޞަލް ނަސީމްވެސް ވަނީ މިއަދު ރާއްޖެ ވަޑައިގެންފައެވެ
މިއަހަރު ރާއްޖެއިން ޙައްޖަށް ދިޔަ ޙައްޖުވެރިން ރާއްޖެ އަންނަން ފަށާނީ މި މަހުގެ 07ން ފެށިގެންނެވެ.
ޙައްޖުވެރިން ރާއްޖެ އައުމަށް ހަމަޖެހިފައިވާ ދުވަސްތައް:
އަލްމަނާސިކް ޕްރައިވެޓް ލިމިޓެޑް – 07 ޖުލައި 2023
މޯލްޑިވްސް ޙައްޖުކޯޕަރޭޝަން ލިމިޓެޑް – 07 ޖުލައި 2023
މޯލްޑިވްސް ޙައްޖުކޯޕަރޭޝަން ލިމިޓެޑް – 10 ޖުލައި 2023
ސިސިލްފަރު ހައްޖު އެންޑް އުމްރާ ގްރޫޕް ޕްރައިވެޓް ލިމިޓެޑް – 11 ޖުލައި 2023
އަލްޙަރަމައިން ޙައްޖު އެންޑް ޢުމްރާ ކޮމްޕެނީ މޯލްޑިވްސް ޕްރައިވެޓް ލިމިޓެޑް – 11 ޖުލައި 2023
އަލްޙަރަމައިން ޙައްޖު އެންޑް ޢުމްރާ ކޮމްޕެނީ މޯލްޑިވްސް ޕްރައިވެޓް ލިމިޓެޑް – 12 ޖުލައި 2023
މޯލްޑިވްސް ޙައްޖުކޯޕަރޭޝަން ލިމިޓެޑް – 14 ޖުލައި 2023
