ފަތުރުވެރިކަމާ ގުޅުންހުރި ތިން ބައްދަލުވުމެއްގައި ރާއްޖެއިން ބައިވެރިވެއްޖެ
"އިންޓަރނޭޝަނަލް ކޯޑް ފޯ ދި ޕްރޮޓެކްޝަން އޮފް ޓޫރިސްޓް" ގެ ނޮޓިފިކޭޝަން އޮފް ފުލް އެދެރެންސްގައި ދިވެހިރާއްޖޭގެ ފަރާތުން ވަނީ ސޮއިކޮށްފައި
ފަތުރުވެރިކަމާ ގުޅުންހުރި ތިން ބައްދަލުވުން
ފަތުރުވެރިކަމާއި ގުޅުންހުރި ތިން ބައްދަލުވުމެއްގައި ރާއްޖެއިން ބައިވެރިވެއްޖެއެވެ.
މިބައްދަލުވުންތައް އޮތީ މިމަހުގެ 15ން 17ށް ކެމްބޯޑިއާގެ ޕްނޮމް ޕެންގައެވެ. އެގޮތުން ރާއްޖެއިން ބައިވެރިވެފައިވަނީ ޔުނައިޓްޑް ނޭޝަންސް ވޯރލްޑް ޓޫރިޒަމް އޯގަނައިޒޭޝަން (ޔޫ.އެން.ޑަބްލިއު.ޓީ.އޯ) އާއި ކެމްބޯޑިއާގެ ޓޫރިޒަމް މިނިސްޓްރީއާ ގުޅިގެން ބޭއްވި 35 ވަނަ ޖޮއިންޓް މީޓީންގ އޮފް ދި ޔޫ.އެން.ޑަބްލިއު.ޓީ.އޯ ކޮމިޝަން ފޯރ އީސްޓް އޭޝިއާ އެންޑް ދި ޕެސިފިކް އެންޑް ދި ޔޫ.އެން.ޑަބްލިއު.ޓީ.އޯ ކޮމިޝަން ފޯރ ސައުތް އޭޝިއާ، 55 ވަނަ މީޓިންގް އޮފް ދި ޔޫ.އެން.ޑަބްލިއު.ޓީ.އޯ ކޮމިޝަން ފޯ އީސްޓް އޭޝއާ އެންޑް ދި ޕެސިފިކް، އަދި 59 ވަނަ މީޓީންގް އޮފް ދި ޔޫ.އެން.ޑަބްލިއު.ޓީ.އޯ ކޮމިޝަން ފޯ ސައުތް އޭޝިއާ އެންޑް ޔޫ.އެން.ޑަބްލިއު.ޓީ.އޯ ކޮންފަރެންސް އޮން ދި އިންޓަރނޭޝަނަލް ކޯޑް ފޯ ދި ޕްރޮޓެކްޝަން އޮފް ޓޫރިސްޓްސް އަދި ޔޫ.އެން.ޑަބްލިއު.ޓީ.އޯ އެފިލިއޭޓް މެމްބާރސް ރައުންޓް ޓޭބަލް ބައްދަލުވުމުގައެވެ.
މި ބައްދަލުވުމުގައި ދިވެހިރާއްޖެ ތަމްސީލް ކުރީ މިނިސްޓަރ އޮފް ޓޫރިޒަމް ޑރ. އަބްދުﷲ މަޢުސޫމް އާއި މިނިސްޓްރީގެ ޑިރެކްޓަރ ފާތިމަތު ޝިފާ އެވެ. މިބައްދަލުވުމުގައި މިނިސްޓަރ ވަނީ "އިންޓަރނޭޝަނަލް ކޯޑް ފޯ ދި ޕްރޮޓެކްޝަން އޮފް ޓޫރިސްޓް (އައި.ސީ.ޕީ.ޓީ)" ގެ ނޮޓިފިކޭޝަން އޮފް ފުލް އެދެރެންސްގައި ދިވެހިރާއްޖޭގެ ފަރާތުން ސޮއި ކޮށްފައެވެ. ދިވެހިރާއްޖެ ވަނީ މި ނޮޓިފިކޭޝަންގައި ހުރި ކަންތައް ތަންފީޒު ކުރުމަށާއި އައި.ސީ.ޕީ.ޓީގޭ އުސޫލުތަކާއި ލަފާތައް ދިވެހިރާއްޖެ ފަތުރުވެރިކަމުގެ ސިޔާސަތަކާއި އެއްގޮތަށް ބައްޓަންކޮށް ދިވެހިރާއްޖޭގެ ފަތުރުވެރިކަން ތަރައްގީކޮށް ޕޮރްމޯޓް ކުރުމަށް އެއްބަސްވެފައެވެ.
އައި.ސީ.ޕީ.ޓީއަކީ ޑިސެމްބަރު 2021ގައި ބޭއްވުނު ޔޫ.އެން.ޑަބްލިއު.ޓީ.އޯގެ 24 ވަނ ސެޝަންގެ ޖެނެރަލް އެސެމްބްލީގައި "ރިޒޮލިއުޝަން 732 (XXIV) ގެ ދަށުން ބަލައިގަނެވުނު ކޯޑެކެވެ. އައި.ސީ.ޕީ.ޓީ އަކީ ކޮވިޑް-19 އާއި ގުޅިގެން އެކުލަވާލެވުނު މިފަދަ ޙާލަތްތަކުގައި ފަތުރުވެރިންގެ ޙައްޤުތަކާއި ކޮންޒިއުމާ ހައްޤުތައް ހިމާޔަތް ކުރެވޭނެ މެކޭނިޒަމްއެއް ހޯދުމުގެ ގޮތުން ހެދިފައިވާ ކޯޑްއެކެވެ. މިކޯޑްގެ ސޮއި ކުރުމުގެ ސަބަބުން ދިވެހިރާއްޖެއަކީ ފަތުރުވެރިކަމުގެ ދުނިޔޭގެ ލީޑިންގް ސަސްޓެއިނަބަލް އަދި އެކްސެސިބަލް ޑެސްޓިނޭޝަންގެ ގޮތުގައި ޕްރޮމޯޓް ކުރެވި ދިވެހިރާއްޖެ އަކީ އަމާން މަންޒިލެއްގޮތެއްގައި ފަތުރުވެރިންނަށް ރައްކާތެރި މާހައުލެއް ކަށަވަރުކޮށްދިނުން ހިމެނެއެވެ.
