ހިމަންދޫގައި އިމާރާތްކުރުމަށް ހަމަޖެހިފައިވާ މިސްކިތުގެ އަމަލީ މަސައްކަތް ފައްޓަވައިދެއްވައިފި
18 ޖޫން 2023 | އާދީއްތަ 14:01މިއީ 300 މީހުންގެ ޖާގައިގެ މިސްކިތެއް
ހިމަންދޫގައި އިމާރާތްކުރުމަށް ހަމަޖެހިފައިވާ މިސްކިތުގެ ޑިޒައިން
އއ. ހިމަންދޫގައި އިމާރާތްކުރުމަށް ހަމަޖެހިފައިވާ މިސްކިތުގެ އަމަލީ މަސައްކަތް އިސްލާމިކް މިނިސްޓަރު ޑރ.އަހުމަދު ޒާހިރު އަލީ ފައްޓަވައިދެއްވައިފިއެވެ.
މި މިސްކިތުގެ ބިންގާ އަޅުއްވައިދެއްވީ މިނިސްޓަރުގެ އިތުރުން ހިމަންދޫ ކައުންސިލްގެ ރައީސް ހުޝާމް އިސްމާއިލްއެވެ.
ރަށުގެ ބަނދަރު ސަރަހައްދުގައި ތަރައްގީ ކުރާ މި މިސްކިތުގެ މަސައްކަތް ކުރަނީ އެލައިޓް އިންޓަރނޭޝަނަލް ޕްރައިވެޓް ލިމިޑެޓުންނެވެ.
އެކުންފުންޏާއި މިމަސައްކަތް ހަވާލުކޮށްފައިވަނީ 365 ދުވަހުގެ ތެރޭގައި ނިންމާ ގޮތަށެވެ. ސަރުކާރުން ޚަރަދުކޮށްގެން ކުރިއަށް ގެންދާ މިމަޝްރޫއަށް 10,312,301.43 (ދިހަ މިލިއަން ތިން ލައްކަ ބާރަހާސް ތިންސަތޭކަ އެއް ރުފިޔާ ސާޅީސް ތިން ލާރި) ހޭދަވާނެއެވެ.
އަންހެނުންނާއި ފިރިހެނުންނަށްވެސް ނަމާދުކުރެވޭގޮތަށް ބިނާކުރާ މި މިސްކިތަކީ 300 މީހުންގެ ޖާގައިގެ މިސްކިތެކެވެ.
ހިމަންދޫގައި އިމާރާތްކުރުމަށް ހަމަޖެހިފައިވާ މިސްކިތުގެ އަމަލީ މަސައްކަތް ފައްޓަވައިދެއްވާުމަށްފަހު މިނިސްޓަރު ވަނީ ކައުންސިލް މެންބަރުންނާ ވެސް ބައްދަލުކުރައްވާފައެވެ.
