ފީފާގެ ސެކްރެޓަރީ ޖެނެރަލް މަގާމުން ވަކިވާން ނިންމައިފި

ދުނިޔޭގެ ފުޓްބޯޅަ ޖަމިއްޔާ ފީފާގެ ސެކްރެޓަރީ ޖެނެރަލް ފާތިމާ ސަމޫރާ އަށް އަހަރަށްފަހު މަގާމުން ވަކިވެވަޑައިގަތުމަށް ނިންމަވައިފި އެވެ.

ސަމޫރާ ފީފާގެ ސެކްރެޓަރީ ޖެނެރަލް ކަމަށް އައްޔަންކުރެއްވީ މިހާރުގެ ރައީސް ޖިއާނީ އިންފަންޓީނޯ 2016 ވަނަ އަހަރު މަގާމާ ހަވާލުވެވަޑައިގަތުމަށްފަހު އެވެ. އޭނާ ކުރިން މަސައްކަތް ކުރެއްވީ ސެނެގާލްގެ ޑިޕްލޮމޮޓެއްގެ ގޮތުގަ އާއި އދ.ގެ މަންދޫބެއްގެ ގޮތުގަ އެވެ. ފީފާ އަށް އައްޔަންކުރުމާއެކު ސަމޫރާ ވެގެންދިޔައީ ފީފާގެ ފުރަތަމަ އަންހެން އަދި ޔޫރަޕުން ބޭރުން ފީފާގެ ސެކްރެޓަރީ ޖެނެރަލްކަން ކުރެއްވި ފުރަތަމަ ފަރާތަކަށެވެ.

ނަމަވެސް އުމުރުން މިހާރު 60 އަހަރުގެ ސަމޫރާ މަގާމުން ވަކިވާނީ މި އަހަރުގެ ފަހުކޮޅު އޮސްޓްރޭލިޔާ އާއި ނިއުޒީލޭންޑްގައި ބާއްވާ ވޯލްޑްކަޕަށް ފަހު އެވެ.

ފީފާގެ ރައީސް ޖިއާނީ އިންފަންޓީނޯ ވިދާޅުވީ ސަމޫރާގެ ނިންމުމަށް އޭނާ އިހްތިރާމްކުރައްވާ ކަމަށެވެ.