އަހަރުމެން މަތިން ހަނދާންކުރާނީ ޗެމްޕިއަންސް ލީގު ހޯދައިފިނަމަ: ޑެބްރޫނޭ
10 ޖޫން 2023 | ހޮނިހިރު 09:07ޑެބްރޫނޭ ބުނީ ސިޓީގައި 8 އަހަރުވީއިރު ނުލިބޭ ތައްޓަކީ ޗެމްޕިއަންސް ލީގު ކަމަށް
ފުރަތަމަ ލެގުގައި އެތުލެޓިކޯ ކޮޅަށް ލަނޑުޖެހީ ކެވިން ޑެބްރޫނޭ
މެންޗެސްޓަރ ސިޓީގެ ސަޕޯޓަރުން ޓީމުގައި މިހާރު ތިބި ކުޅުންތެރިންގެ މަތިން ހަނދާންކުރާނީ ޗެމްޕިއަންސް ލީގު ކާމިޔާބުކޮށްގެން އެކަނިކަމަށް، މިޑްފީލްޑަރު ކެވިން ޑެބްރޫނޭ ބުނެފިއެވެ.
ތުރުކީގައި މިރޭ ދަންވަރު ކުޅޭ ފައިނަލް މެޗުގެ ކުރިން ވާހަކަ ދައްކަމުން ބެލްޖިއަމްގެ މިޑްފީލްޑަރު ބުނީ ޗެމްޕިއަންސް ލީގު ކާމިޔާބުކުރުމަކީ އެންމެ ބޮޑު ހުވަފެން ކަމަށެވެ.
އޭނާ ބުނީ އިނގިރޭސި އެފްއޭކަޕާއި ލީގު ކާމިޔާބުކޮށް، ޗެމްޕިއަންސް ލީގާއެކު ތިން ތަށި ހޯދައި މެންޗެސްޓަރ ސިޓީގެ ރެކޯޑް މުގުރާލެވެން އޮތަސް ކުޅުންތެރިން އެކަމާމެދު ނުވިސްނާކަމަށެވެ.
ސިޓީގެ ކޯޗު ޕެޕް ގާޑިއޯލާ ބުނީ ޔޫއޭފާއިން ސިޓީއަށް އެކިފަހަރު މަތިން ދީފައިވާ އަދަބުތަކާހުރެ ސިޓީގެ ސަޕޯޓަރުން ޔޫއޭފާގެ ލަވައަށް މަލާމާތް ކުރަމުން ދިޔަނަމަވެސް އެކަން ހުއްޓާލާފައި މިރޭގެ ފައިނަލަށް ހުސްވުން މުހިންމުކަމަށެވެ.
2016 ވަނަ އަހަރު ސިޓީއާ ހަވާލުވިނަމަވެސް ގާޑިއޯލާއަށް ނުލިބޭ ހަމައެކަނި ތައްޓަކީވެސް މި މުބާރާތެވެ. އޭނާއަށް ޗެމްޕިއަންސް ލީގު ލިބުނީ ސްޕެއިނުގެ ބާސެލޯނާގައި ދެ ފަހަރަކުއެވެ. އެންމެ ފަހުން ގާޑިއޯލާއަށް މި ތަށި ލިބުނީ 2011 ވަނަ އަހަރުއެވެ.
