ސްޓޭޓް ޓްރޭޑިންގ އޯގަނައިޒޭޝަން (އެސްޓީއޯ) ގެ ޑިރެކްޓަރުންގެ ބޯޑަށް މެމްބަރުން އައްޔަންކޮށްފިއެވެ.
އެސްތީއޯގެ ޑިރެކްޓަރުންގެ ބޯޑަށް މެމްބަރުން އައްޔަންކޮށްފައިވަނީ ބުދަ ދުވަހުގެރޭ ހުޅުމާލޭ ސެންޓްރަލް ޕާކުގައި ކުރިއަށްދިޔަ އެކުންފުނީގެ އަހަަރީ އާންމު ޖަލްސާގައެވެ.
އެސްޓީއޯގެ ބޯޑަށް 7 މެމްބަރުން އައްޔަންކޮށްފައިވެއެވެ. އެއީ ސަރުކާރު ތަމްސީލުކުރާ 6 މެމްބަރުންނާއި، އާންމު ހިއްސާދާރުން ތަމްސީލުކުރާ މެމްބަރެކެވެ.
ސަރުކާރުގެ ފަރާތުން އެސްޓީއޯގެ ބޯޑަށް އައްޔަންކޮށްފައިވާ މެމްބަރުން
- ހާމިދު ނަޝީދު މުހައްމަދު- ޗެއަރމަން
- އަބްދުﷲ ސައީދު- ސީއީއޯ އަދި މެނޭޖިންގ ޑިރެކްޓަރ
- މުހައްމަދު ނިޒާމް- ޑިރެކްޓަރ އަދި ޗީފް ފައިނޭންޝިއަލް އޮފިސަރ
- ޝިމާދު އިބްރާހިމް- ބޯޑް ޑިރެކްޓަރ
- އިސްމާއިލް ޒުމައިލް ރަޝީދު- ބޯޑް ޑިރެކްޓަރ
- ގައިސް އިސްމާއިލް- ބޯޑް ޑިރެކްޓަރ
އާންމު ހިއްސާދާރުންގެ ފަރާތުން ބޯޑަށް އައްޔަންކޮށްފައިވަނީ
- މުހައްމަދު އަހުސަން ސަލީމް- ބޯޑް ޑިރެކްޓަރ
އެސްޓީއޯއިން ވަނީ އެކުންފުންޏަށް 2022 ވަނަ އަހަރު ލިބުނު ފައިދާއިން ހިއްސާގެ ފައިދާގެ ގޮތުގައި 77 ރުފިޔާ ބަހަން ފާސްކޮށްފައެވެ.
