މަގުމަތީގެ ސަލާމަތާއި ރައްކާތެރިކަމަށް ހޭލުންތެރިކުރުމަށް ''ވިސްނާލަމާ'' ޕްރޮގްރާމް ފަށައިފި
17 މެއި 2023 | ބުދަ 14:34މި ޕްރޮގްރާމްގައި އެސް.ޓީ.އޯގެ 47 ޑްރައިވަރުން ބައިވެރިވި
އާއިޝަތު ޝިއުރާ | 17 މެއި 2023 | ބުދަ 14:34
"ވިސްނާލަމާ" ކެމްޕެއިންގެ ތެރެއިން
މަގުމަތީގެ ސަލާމަތާއި ރައްކާތެރިކަމަށް ހޭލުންތެރިކޮށް, މަގުމަތީގައި ހިނގާ ނުރައްކާތެރި ހާދިސާތައް މަދުކުރުމުގެ މަގުސަދުގައި ކުރިއަށްގެންދާ "ވިސްނާލަމާ" ޕްރޮގްރާމް ފަށައިފިއެވެ.
ސަރުކާރު އޮފީސްތަކާއި ކުންފުނިތަކުގެ މުވައްޒަފުންނަށް ހިންގާ މި ސިލްސިލާގެ ފުރަތަމަ ޕްރޮގްރާމް ކުރިއަށް ގެންގޮސްފައިވަނީ އެސް.ޓީ.އޯގައި މަސައްކަތްކުރާ ޑްރައިވަރުންނަށެވެ.
މި މަހު 16 ވަނަ ދުވަހު ކުރިއަށްގެންދިޔަ މި ޕްރޮގްރާމްގައި އެސް.ޓީ.އޯގެ 47 ޑްރައިވަރުން ބައިވެރިވިއެވެ. މި ޕްރޮގްރާމްގައި، އެއްގަމު ދަތުރުފަތުރުގެ ގާނޫނާއި ގަވާއިދުތަކުގެ އިތުރުން މަގުމަތީގެ ސަލާމަތާއި ރައްކާތެރިކަމާ ގުޅޭ ތަފާތު މައުލޫމާތު ފޯރުކޮށްދީފައިވެއެވެ.
