ގްރީން އަތުން މާޒިޔާއަށް ފަސް ލަނޑުގެ މޮޅެއް!
13 މެއި 2023 | ހޮނިހިރު 18:50މާޒިޔާ އިން މެޗު ކާމިޔާބުކުރީ 5-0 ން
މެޗުގައި ލަނޑުޖެހުމަށްފަހު ސެންޓޭ އުފާ ފާޅުކުރަނީ
ދިވެހި ޕްރިމިއަރ ލީގުގައި ޗެމްޕިއަން މާޒިޔާއިން ކުޅުނު ދެވަނަ މެޗުގައި ކްލަބް ގްރީން ސްޓްރީޓްސް އަތުން ފަސް ލަނޑުގެ މޮޅެއް ހޯދައިފިއެވެ.
މެޗު މާޒިޔާއިން ކާމިޔާބުކުރީ 5-0 ނެވެ. ފަސް ލަނޑުގެ ތެރެއިން ހަތަރު ލަނޑު ޖެހީ ފުރަތަމަ ހާފްގައެވެ. މެޗުގައި މާޒިޔާގެ ފަސް ލަނޑު ޖެހީ ފަސް ކުޅުންތެރިންނެވެ. ފުރަތަމަ ލަނޑު ޖަހާ ލީޑް ނަގައިދިނީ ހަސަން ރާއިފް އަހުމަދު (ހަންނަ) އެވެ. ދެވަނަ ލަނޑު ޖެހީ އަލީ ފާސިރު (ސެންޓޭ) އެވެ. މިއީ މާޒިޔާއަށް ބަދަލުވެ ފުރަތަމަ އެގާރައިގަ އޭނާ ކުޅުނު ފުރަތަމަ މެޗެވެ. ލީގުގައި މާޒިޔާ ކުޅުނު ފުރަތަމަ މެޗުގައި ސެންޓޭ ލަނޑު ޖެހީ ބަދަލަކަށް ނިކުމެއެވެ. މާޒިޔާގެ ތިންވަނަ ލަނޑު ޖެހީ ހަމްޒާ މުޙައްމަދު (ހަމްޕު) އެވެ. ފުރަތަމަ ހާފްގެ ފަހު ލަނޑު އިތުރު ވަގުތުގައި ޖެހީ ޑިފެންޑަރ ސަމޫހު އަލީ (ސަމުއްޓެ) އެވެ. ދެވަނަ ހާފްގައި މާޒިޔާގެ ހަމައެކަނި ލަނޑުޖެހީ ބިދޭސީ ފޯވާޑް ސްޓެފަން މިހަލޮވިޗްއެވެ. މެޗުގެ މޮޅު ކުޅުންތެރިއަކީ ހަސަން ނަޒީމް (ޗޯޓް) އެވެ.
ދެ މެޗުން ހަ ޕޮއިންޓާއެކު މާޒިޔާ ލީގު ތާވަލްގެ އެއްވަނާގައި އޮތ ފައިދާ ގޯލުންނެވެ. ސުޕަރ ޔުނައިޓެޑް ސްޕޯރޓްސް (ސަސް) ވެސް ވަނީ ކުޅުނު ފުރަތަމަ ދެ މެޗު ކާމިޔާބުކޮށް ހަ ޕޮއިންޓް ހޯދާފައެވެ.
