ދިވެހި ލީގު ފަށައިދޭނީ ވެލެންސިއާއާއި ޓީސީ
6 މެއި 2023 | ހޮނިހިރު 11:09ލީގުގައި 8 ޓީމު ތިން ބުރަކަށް ވާދަކުރާނެ
ވެލެންސިއާއާއި ޓީސީ މިދިޔަ އަހަރުގެ ދިވެހި ލީގުގައި ކުޅުނު މެޗުގެ ތެރެއިން
ދިވެހި ޕްރެމިއާ ލީގު ހުޅުވައިދޭނީ ކްލަބް ވެލެންސިއާއާއި ޓީސީ ސްޕޯޓްސް މެޗުން ކަމުގައި ހަމަޖައްސައިފިއެވެ.
ހުސްވި އަހަރުގެ ލީގުގެ ރޭންކިންއަށް ބެލުމަށްފަހު، ފުޓްބޯޅަ އެސޯސިއޭޝަން އޮފް މޯލްޑިވްސްއިން ތައްޔާރުކޮށްފައިވާ ޝެޑިއުލްގައިވާގޮތުން ލީގު ފަށާނީ އަންނަ ހޯމަ ދުވަހުގެ ހަވީރުއެވެ. އެރޭ ކުޅޭނީ މިދިހަ އަހަރުގެ ލީގުގެ ރަނަރަބް އީގަލްސްއާއި މުޅިން އަލަށް ޕްރޮމޯޓްވި ދެވަނަ ޑިވިޝަނުގެ ޗެމްޕިއަން ބުރު ސްޕޯޓްސްއެވެ.
އަންގާރަ ދުވަހު ހަވީރު ކުޅޭނީ ޗެމްޕިއަން މާޒިޔާއާއި ޔުނައިޓެޑް ވިކްޓަރީއެވެ. އެރޭ ކުޅޭނީ ގްރީން ސްޓްރީސްއާއި ސުޕަ ޔުނައިޓެޑް ސްޕޯޓްސް (ސަސް)އެވެ.
މި އަށް ޓީމުގެ ތެރެއިން އަންގާރަ ދުވަހުގެ ރޭ ނިމުނު ސީޒަނުގެ ފުރަތަމަ މުބާރާތުގައި ގްރީންއާއި ޔުނައިޓެޑް ވިކްޓަރީ ނުކުޅެއެވެ.
އެފްްއޭއެމުން ހަމަޖައްސާފައިވާ ގޮތުން ލީގުގެ ފުރަތަމަ ބުރުގައި ކޮންމެ ޓީމެއް ތިން މެޗު ކުޅުމަށްފަހު، ލީގު މެއި 19 ވަނަ ދުވަހު ލީގު މެދުކަނޑާލާނެއެވެ. އަލުން ފަށާނީ ޖުލައި 14ވަނަ ދުވަހުއެވެ. ލީގު މެދުކަނޑާލަނީ ޖޫން މަހު އިންޑިޔާގައި ބާއްވާ ސާފް ޗެމްޕިއަންޝިޕަށް ގައުމީ ޓީމު ތައްޔާރުވުމަށެވެ.
