ވޯލްޑް ފުޑް ޕްރޮގްރާމުން ސޫދާންގައި އަލުން އޮޕަރޭޝަން ފަށައިފި
1 މެއި 2023 | ހޯމަ 16:37އޭޕްރީލް 16 ވަނަ ދުވަހު ޑަބްލިޔުއެފްޕީން ވަނީ އެޖަމިއްޔާއިން ސޫދާނުގައި ކުރިޔަށްގެންދާ ހުރިހާ އޮޕަރޭޝަނެއް ވަގުތީގޮތުން މެދުކަނޑާލާފައި
ސޫދާންގައި ވޯލްޑް ފުޑް ޕްރޮގްރާމުން ހަރަކާތްތެރިވަމުންދަނީ
ވޯލްޑް ފުޑް ޕްރޮގްރާމް (ޑަބްލިޔުއެފްޕީ)ގެ މެމްބަރުންތަކެއް ސޫދާނުގައި މަރުވުމާ ގުޅިގެން އެޖަމިއްޔާއިން ސޫދާގައި ކުރިޔަށްދިޔަ ޕްރޮގްރާމްތައް މެދުކަނޑާލުމަށްފަހު، އަލުން އެ ޕްރޮގްރާމް ފަށާފައިވާކަމަށް އެޖަމާއަތުން ބުނެފިއެވެ.
ޑަބްލިޔުއެފްޕީގެ އެގްޒެކެޓިވް ޑިރެކްޓަރ ސިންޑީ މެކެއިން ކުރެއްވި ޓްވީޓެއްގައި ވިދާޅުވީ، އެޖަމިއްޔާގެ އެހީތެރިކަން ބޭނުންވާ އެތައް ބަޔަކު ތިބުމާއެކު ޑަބްލިޔުއެފްޕީގެ ޕްރޮގްރާމްތައް މިހާރުން މިހާރަށް ފަށަނީކަމަށެވެ.
އޭޕްރީލް 16 ވަނަ ދުވަހު ޑަބްލިޔުއެފްޕީން ވަނީ އެޖަމިއްޔާއިން ސޫދާނުގައި ކުރިޔަށްގެންދާ ހުރިހާ އޮޕަރޭޝަނެއް ވަގުތީގޮތުން މެދުކަނޑާލާފައެވެ. އެއީ ސޫދާނުގެ އަސްކަރިއްޔާއާއި ޕެރަމިލިޓަރީ ރެޕިޑް ސަޕޯޓް ފޯރސަސް (އާރުއެސްއެފް) އާ ދެމެދު ކުރިޔަށްދިޔަ ހަމަލާ ބަދަލުކުރުންތަކެއްގައި ޑަބްލިޔުއެފްޕީގެ ތިން މުވައްޒަފަކު މަރުވުމާގުޅިގެންނެވެ.
