އިންޑިއާގެ ޑިފެންސް މިނިސްޓަރ ރާއްޖެ ވަޑައިގަންނަވަނީ
މި ދަތުރުގެ އެއްވެސް ތަފްސީލެއް ކަމާއި ބެހޭ އިދާރާތަކުން އަދި ހާމައެއް ނުކުރައްވާ
އިންޑިއާގެ ޑިފެންސް މިނިސްޓަރ
އަވަށްޓެެރި އިންޑިއާގެ ޑިފެންސް މިނިސްޓަރު ރާޖްނާތު ސިންހް ރާއްޖެ ވަޑައިގަންނަވަން ހަމަޖެހިފައިވާ ކަމަށް އިންޑިއާގެ މީޑިއާތަކުން ރިޕޯޓްކޮށްފިއެވެ.
ރިޕޯޓްތައް ބުނާގޮތުން މި ދަތުރުފުޅު ކުރުމަށް ހަމަޖެހިފައި ވަނީ 3 ދުވަހުގެ މުއްދަތަކަށެވެ. އެ ދަތުރުފުޅުގައި ދެ ޤައުމުގެ ދެމެދުގައި އޮތް ގުޅުމާއި ގުޅޭގޮތުން ވާހަކަދެއްކެވުމަށް ވަނީ ހަމަޖެހިފައެވެ.
ރިޕޯޓްތައް ބުނާގޮތުން މި ދަތުރުފުޅުގެ ތެރެއިން ރައީސް އިބްރާހިމް މުހައްމަދު ޞާލިހު އާއި އެމަނިކުފާނު ބައްދަލުކުރައްވާނެއެވެ. އަދި ފޮރިން މިނިސްޓަރ އަބްދުﷲ ޝާހިދު އާއި ޑިފެންސް މިނިސްޓަރ މާރިޔާ މާރިޔާ ދީދީ އާއި ބައްދަލުކުރެއްވުމަށް ވަނީ ހަމަޖެހިފައެވެ.
މި ދަތުރުފުޅަކީ ދިފާއީ ދާއިރާއިން ދެ ޤައުމުގެ ގުޅުން ބަދަހިކުރެއްވުމުގެ މަގްސަދުގައިކުރައްވާ ދަތުރުފުޅެއް ކަަމަށް މީޑިއާތަކުން ވަނީ ބުނެފައެވެ.
މި ދަތުރުގެ އެއްވެސް ތަފްސީލެއް ކަމާއި ބެހޭ އިދާރާތަކުން އަދި ހާމައެއް ނުކުރެއެވެ.
