ތިން ވަނާގައި ނިއުކާސަލްއަށް ދެ ޕޮއިންޓްގެ ލީޑެއް!

ޓޮޓެންހަމްހަމް ކޮޅަށް ފަސް ލަނޑު ޖެހި ނުއުކާސަލް ޔުނައިޓެޑުން, އެވަޓަން ކޮޅަށްވެސް ހަތަރު ލަނޑު ޖަހައިގެން މޮޅުވެ ޕްރިމިއަރ ލީގު ތާވަލްގެ ތިންވަނާގައި ދެ ޕޮއިންޓްގެ ލީޑެއް ނަގައިފިއެވެ.

ގަދަ ހަތަރެއްގެ ޖާގަ ކަށަވަރުކުރުމާ ދިމާއަށް ނިއުކާސަލްއިން ޖެހިލީ 4-1 ން އެވަޓަން ބަލިކޮށްގެންނެވެ. މެޗުގައި ވިސްލަން ދެ ގޯލް ޖެހިއެވެ. އަނެއް ދެ ގޯލް ޖެހީ ޖޮއެލިންޓަންއާއި, މާފީއެވެ. ޓޮޓެންހަމް ކޮޅަށްވެސް މި ކުޅުންތެރިން ލަނޑު ޖެހިއެވެ. އެވަޓަންގެ ހަމައެކަނި ލަނޑު ޖެހީ ޑްވައިޓް މެކްނީލްއެވެ. މިމޮޅާއެކު ނިއުކާސަލްއިން ވަނީ 32 މެޗުން 62 ޕޮއިންޓް ހޯދާފައެވެ. ހަތަރު ވަނާގައި މެންޗެސްޓަރ ޔުނައިޓެޑް އޮތީ 31 މެޗުން 60 ޕޮއިންޓާއެކުއެވެ. އެހެންކަމުން މެޗު ހަމަކުރާއިރު ތިންވަނަ ގެއްލި ހަތަރު ވަނައަށް ނިއުކާސަލް ސޮއްސާލުމުގެ ފުރުޞަތު އެބައޮތެވެ.

އެކަމަކު ނިއުކާސަލްއަށް އޮތް ހިތްހަމަ ޖެހުމަކީ ތާވަލްގެ ފަސްވަނާގައި އޮތް ޓޮޓެންހަމްއާ ނިއުކާސަލްގެ ފަރަގު އަށް ޕޮއިންޓްގައި އޮތުމެވެ. އަދި އެފަރަގު 11 ޕޮއިންޓަށް ފުޅާކުރުމުގެ ފުރުޞަތު އޮތުމެވެ. އެހެންކަމުން ގަދަ ހަތަރެއްގެ ޖާގަ ނިއުކާސަލް އަތުން ގެއްލުން ދުރެވެ.