ފައިހުގެ ބަންދަށް އިތުރު 15 ދުވަސް
ފައިހްގެ ބަންދަށް މީގެ ކުރިން ކޯޓުން 30 ދުވަސް ޖަހާފައިވޭ
ފުލުހުން ބަލަމުންދާ މައްސަލައަކާ ގުޅިގެން ހޯދަމުން އަންނަ މީހާ
މާރާމާރީގެ މައްސަލައަކާއި ގުޅިގެން ފުލުހުން ހޯދަން އިއުލާނު ކުރިތާ މަސް ދުވަސް ފަހުން އަމިއްލައަށް ފުލުހުންނާއި ހަވާލުވި ސ. މަރަދޫފޭދޫ / ރަށްދެބައިގެ، އިބްރާހީމް ފައިހް ނިޒާމްގެ ބަންދަށް ކްރިމިނަލް ކޯޓަށް އިތުރު 15 ދުވަސް ޖަހައިފިއެވެ.
އޭނާ ހޯދަން އިޢުލާން ކުރީ ތޫނު ހަތިޔާރު ބޭނުންކޮށްގެން މާރާމާރީ ހިންގި މައްސަލައެއްގައެވެ. ފައިހްގެ ބަންދަށް މީގެ ކުރިން ކޯޓުން 30 ދުވަސް ޖަހާފައިވެއެވެ. އަދި ބަންދުގެ މުއްދަތު ހަމަވާތީ ކްރިމިނަލް ކޯޓަށް ފައިހް ހާޒިރު ކުރުމުން އޭނާގެ ބަންދުގެ މުއްދަތު ވަނީ އިތުރު ހަތް ދުވަހަށް އިތުރުކޮށްދީފައެވެ.
ދައުލަތުން އެދިފައި ވަނީ އޭނާ ޝަރީއަތް ނިމެންދެން ބަންރު ކުރުމަށެވެ. ނަމަވެސް މި މައްސަލައަކީ ކޯޓަށް ހުށަހަޅާފައިވާ މައްސަލައެއް ކަމަށް ވުމާއެކު، ކޯޓުން އޭނާގެ ބަންދަށް ޖަހާފައި ވަނީ 15 ދުވަހެވެ. ފައިހްގެ މައްޗަށް ދައުވާ އުފުލާފައިވަނީ މިދިޔަ ހަފްތާގެ ބުދަ ދުވަހެެވެ. ފައިހް އަކީ މި ފަދަ ކުށްތަކުގެ ކުށުގެ ރެކޯޑް އޮތް މީހެކެވެ.
