ކްލޮޕް ބުނީ އާސެނަލް މެޗަކީ ރަނގަޅު މިސްރާބުގައި ދިޔުމަށް އެޅުނު ފިޔަވަޅެއް ކަމަށް

ލިވަޕޫލް މިހާރު ކުރިއަށް ދަނީ ރަނގަޅު މިސްރާބުގައި ކަމަށާއި، އާސެނަލް މެޗަކީ އެކަމުގެ ފިޔަވަޅެއް ކަމަށް އެ ޓީމުގެ ކޯޗު ޔާގަން ކްލޮޕް ބުނެފި އެވެ.

އޭނާ މިހެން ބުނީ ދެ ލަނޑުގެ ލީޑެއްގައި އާސެނަލް އޮއްވާ، ފަހަތުން އަރައި ނަތީޖާ ހަމަހަމަ ކުރި މެޗަށްފަހު ވާހަކަ ދައްކަމުންނެވެ. ކްލޮޕް ބުނީ، މެޗު ނިންމާފައި އައި ވަގުތު އޭނާގެ ބޮލުގައި އިނީ "މެޗުން މޮޅު ނުވެވެންވީ ކީއްވެ؟" އެ ސުވާލު ކަމަށެވެ. ނަމަވެސް މެޗުން މޮޅު ނުވެވުން ކަމަށް އޭނާ ބުންޏެވެ. ކްލޮޕް ބުނީ، މެޗުން ލިބުނީ ޕޮއިންޓެއް ކަމަށާއި، އެވަރު ވެސް ރަނގަޅު ކަމަށެވެ. އަދި އެއީ ރަނގަޅު މިސްރާބުގައި ކުރިއަށް ދިޔުމަށް އެޅުނު ރަނގަޅު ފިޔަވަޅެއް ކަމަށެވެ. އޭނާ ބުނީ މި ސީޒަންގެ ތެރޭގައި ދިމާވި އެންމެހައި ކަންކަމާއެކު ވެސް، އާސެނަލް މެޗުގައި ފެނުނީ ލިވަޕޫލްގެ ކުޅުންތެރިން ވަރަށް ރަނގަޅަށް މަސައްކަތް ވެސް ކުރި މަންޒަރު ކަމަށެވެ. އެގޮތުން މެޗުގައި އާސެނަލް އިން ފުރަތަމަ ލަނޑު ޖެހުމަށްފަހު، ދެ ވަނަ ލަނޑު ވެސް ޖެހީ މޮޅަށް ކުޅެގެން ކަމަށެވެ. އަދި ތިން ވަނަ ލަނޑެއް ޖެހުމަށް ވެސް ފުރުސަތު ލިބުނު ކަމަށާއި، ނަމަވެސް އެކަން ނުކުރެވުން ކަމަށެވެ. އޭނާ ބުނީ އެކަން ނުކުރެވުނީ ލިވަޕޫލްގެ ކުޅުންތެރިން ރަނގަޅަށް ކުޅުމުން ކަމަށެވެ. އަދި އޭގެ ފަހުން ފެނުނީ ލިބެމުން އައި ފުރުސަތުތަކުގައި ލިވަޕޫލްގެ ކުޅުންތެރިން ވަރަށް ބޮޑަށް ތައްޔާރަށް ތިބި މަންޒަރު ކަމަށާއި، ދެ ވަނަ ހާފުގައި ލިބުނު ފުރުސަތުތަކާއެކު މެޗު މުޅިން ލިވަޕޫލް ކޮޅަށް ނިންމާލުމުގެ ފުރުސަތު ވެސް އޮތް ކަމަށެވެ. ނަމަވެސް އެކަން ނުކެރެވުނީ މެޗުގެ ޕްރެޝަރު އޮތް ގޮތުން ކަމަށް ވެސް އޭނާ ފާހަގަކުރިއެވެ.

އޭނާ ބުނީ ޖުމުލަ ގޮތެއްގައި މެޗުގައި ލިވަޕޫލް އިން ދެއްކީ ހިތްހަމަޖެހޭ ކުޅުމެއް ކަމަށާއި، ރަނގަޅު މިސްރާބުގައި ދެވޭ ކަމަށް ބުނަނީ އެހެންވެ ކަމަށެވެ. އާސެނަލް އަކީ މިވަގުތު އެންމެ ފޯމުގައި އޮތް އެއް ޓީމު ކަމަށާއި، އެ ޓީމާ ދެކޮޅަށް ދެ ލަނޑު ފަހަތުން އަރައި އެއްވަރުވުމުން ވެސް އެއީ ހިތްހަމަޖެހުމެއް ކަމަށް ފާހަގަކޮށް ކްލޮޕް ބުނީ ކުރިއަށް އޮތް ތަނުގައި ވެސް ރަނގަޅު ކުރަން ޖެހޭ ކަންކަމާއެކު ލިވަޕޫލަށް މޮޅަށް ކުޅެވޭނެ ކަމަށެވެ. ކްލޮޕް ބުނީ ކުރިން ވެސް އޭނާ ފާހާގަ ކުރި ގޮތަށް ލިވަޕޫލް ހަމަ މަގަށް އެޅުވޭނެ ކަމަށާއި، ނަމަވެސް ވަގުތު ނަގާނެ ކަމަށެވެ.

ލިވަޕޫލަށް ދެން އޮތީ ލީގުގައި މި މަހުގެ 18 ވަނަ ދުވަހު ރަށުން ބޭރުގައި ލީޑްސް ޔުނައިޓެޑާ ދެކޮޅަށް ކުޅޭ މެޗެވެ.