މޫލީ މާކެޓު: އޮންލައިންކޮށް ބާޒާރުކުރުމުން ޑެލިވަރ ކޮށްދޭނެ
ލޯކަލް މާރުކޭޓުން ލިބޭ ތާޒާ މޭވާ ގަނެވޭނެ
މޫލީ މާރުކޭޓު
އީ-ކޮމާސް ޕްލެޓްފޯމް މޫލީ އިން މާލެ ސިޓީ ކައުންސިލާ ގުޅިގެން މޫލީ މާކެޓް ތައާރަފްކޮށްފި އެވެ.
މޫލީ ޕްލެޓްފޯމްގައި ހިމެނޭ އައު ކެޓަގަރީއެއް ކަމަށްވާ މޫލީ މާކެޓް މެދުވެރިކޮށް ފަސޭހަކަމާއެކު، ގޭގައި އަދި ކޮންމެތާކު ތިއްބަވައިގެންވެސް ލޯކަލް މާރުކޭޓުން ލިބޭ ތާޒާ މޭވާ އާއި ތަރުކާރީ އޮންލައިންކޮށް ގަނެ، ގެ އާއި ހަމައަށް މުޅިން ހިލޭ ލިބުމުގެ ފުރުސަތު ލިބިގެންދާކަމަށް އުރީދޫއިން ބުނެއެވެ.
މޫލީ މާކެޓަކީ މި ރަމަޟާން މަހު ފިހާރަތަކާއި މާރުކޭޓުތަކުގައި ކިޔޫގައި ނުޖެހި ބާޒާރުކޮށްލުމުގެ ފަސޭހަ ފަހި ވެގެންދާ ޚިދުމަތެއް ކަމަށް އުރީދޫއިން ބުނެއެވެ.
މޫލީ މެދުވެރިކޮށް ލިބެން ހުރި މޭވާ އާއި ތަރުކާރީގެ ބާވަތްތަކުގެ ތެރޭގައި ލުނބޯ، ފިޔާ، ހިކަނދިފަތް، ކެބެޖް، އަލަނާސި، ބަރަބޯ އިނގުރު، ފެހި މިރުސް ފަދަ ތަކެތި ހިމެނެ އެވެ. މޫލީ މާކެޓުގައި ލިބެން ހުރި ތަރުކާރީ އާއި މޭވާ ހޯދަނީ ލޯކަލް މާރުކޭޓްގައި ވެސް ވިޔަފާރި ކުރާ ފަރާތްތައް ކަމަށްވާ ހެބިޓަސް ފްރެޝް އަދި އެގްރިޒާރ މޯލްޑިވްސް ފަދަ ވިޔަފާރިތަކުންނެވެ. މާލޭގެ މާރުކޭޓުގައި މޭވާ އާއި ތަރުކާރީ ލިބެން ހުރި ހެޔޮ އަގުގައި މޫލީ މެދުވެރިކޮށް ވިޔަފާރި ކުރެވޭއިރު، ހުޅުމާލެ އަދި ވިލިމާލެ ހިމެނޭ ގްރޭޓާ މާލެ ތެރޭގައި ގެއާއި ހަމައަށް ހިލޭ ޑެލިވަރީގެ ޚިދުމަތް ލިބުމަކީ ކަސްޓަމަރުންނަށް ލިބިގެންދާ އިތުރު ލުޔެއް ކަމަށް އުރީދޫއިން ބުނެއެވެ.
ކަސްޓަމަރުންނަށް ފަސޭހަކަމާއެކު އޮންލައިންކޮށް ބާޒާރުކުރުމުގެ ތަޖުރިބާއެއް ހޯދައިދިނުމުގެ އިތުރުން ލޯކަލް މާރުކޭޓުގެ ވިޔަފާރިތަކަށް އެ ވިޔަފާރިތަކުގެ މުދާ މޫލީގައި ލިސްޓު ކުރުމުގެ ފުރުސަތު ވެސް ފަހިކޮށްދެއެވެ. މޫލީ މާކެޓާއި ގުޅެން ބޭނުންވާ ފަރާތްތަކުން care@moolee.mv މެދުވެރިކޮށް މިކަމާ ބެހޭ އިތުރު މައުލޫމާތު ހޯދޭނެ ކަމަށް އުރީދޫއިން ބުނެއެވެ.
