ކުޅިވަރު
އެފްއޭއެމް ވެޓަރެންސް ލީގު
ވެޓަރެންސް ލީގު: ގްރީން އަތުން ޕޮލިސް ކްލަބް މޮޅު
ނިއުރޭޑިއަންޓާއި ސްޓެލްކޯ މެޗު އެއްވަރު
ޙަފްޞީ ޢަބްދުالله, ރާއްޖެ އެމްވީ | 4 އެޕްރީލު 2023 | އަންގާރަ 20:07
ގްރީންއާއި ޕޮލިސް ކްލަބް ވާދަކުރި މެޗުގެ ތެރެއިން
އެފްއޭއެމް ވެޓަރެންސް ލީގުގައި ކްލަބް ގްރީން ސްޓްރީޓްސް އަތުން ޕޮލިސް ކްލަބް މޮޅުވެއްޖެއެވެ.
ޕޮލިސް ކްލަބް މެޗު ކާމިޔާބުކުރީ 1-0 ނެވެ. ލަނޑެއް ނުޖެހި އެއްވަރުވި ފުރަތަމަ ހާފަށްފަހު, ޕޮލިސް ކްލަބުން މެޗުން މޮޅުވި ލަނޑު ދެވަނަ ހާފްގައި ޖެހީ އަބްދުالله އިބްރާހީމްއެވެ. މެޗުގެ މޮޅު ކުޅުންތެރިއަކީވެސް އޭނާއެވެ.
މުބާރާތުގައި ހޯމަ ދުވަހު ހަވީރު ނިއުރޭޑިއަންޓާއި ސްޓެލްކޯ ވާދަކުރި މެޗު ނިމުނީ 1-1 ން އެއްވަރުވެގެންނެވެ. އެމެޗުގެ މޮޅު ކުޅުންތެރިއަކީ ނިއުރޭޑިއަންޓްގެ އެޓޭކްތައް ހުއްޓުވި ކުރިން ވެލެންސިޔާއިން ފާހަގަވި ކީޕަރު ހުސެއިން ހަބީބެވެ.
