ރައްޔިތުންގެ މަޖިލީހުގެ ގުރައިދޫ ދާއިރާ ބައި އިލެކްޝަން: އެމްޑީޕީގެ ޕްރައިމަރީގައި ވޯޓްލުން ފެށިގެން ކުރިއަށް
11 މާރިޗު 2023 | ހޮނިހިރު 07:04ހަތަރު ތަނެއްގައި ވޯޓް ފޮށިތައް ބަހައްޓާފައިވޭ
ރައްޔިތުންގެ މަޖިލީހުގެ ގުރައިދޫ ދާއިރާ ބައި އިލެކްޝަން: އެމްޑީޕީގެ ޕްރައިމަރީގައި ވޯޓްލުން ފެށިގެން ކުރިއަށް ދަނީ
ރައްޔިތުންގެ މަޖިލީހުގެ ގުރައިދޫ ދާއިރާ ބައި އިލެކްޝަންގެ އެމްޑީޕީ ޕްރައިމަރީގެ ވޯޓްލުން ފަށައިފިއެވެ.
ހޮނިހިރު ދުވަހުގެ ހެނދުނު 9 ގަޑި ސުންމިނިޓް ގައި ވޯޓްލުން ފަށާފައިވާއިރު ވޯޓްލުން ކުރިއަށްދާނީ ހަވީރު 5 ޖަހަންދެނެވެ.
ވޯޓުފޮށި ބަހައްޓާފައިވާ މަރުކަޒުތަކަކީ ކ. ގުޅީގައި ގުޅި ސްކޫލުގައެވެ. ކ. މާފުށިގައި އެރަށު ސްކޫލުގައި ވޯޓް ފޮށި ބަހައްޓާފައިވާއިރު ކ. ގުރައިދޫގައި ޒުވާނުންގެ މަރުކަޒުގައި ވެސް ވޯޓް ފޮއްޓެއް ވަނީ ބަހައްޓާފައެވެ. އަދި މާލޭގައި ވޯޓުފޮށި ބަހައްޓާފައިވަނީ އެމް.ޑީ.ޕީ މައި ހަރުގޭގައެވެ.
ޕްރައިމަރީއަށް ކުރިމަތިލެއްވި މެންބަރުންނަކީ:
ގުޅީގައި ޖުމްލަ 99 މެމްބަރުން ވޯޓްލުމަށް ރަޖިސްޓްރީކޮށްފައިވާއިރު މާފުށީގައި 366 މެމްބަރުން ވަނީ ވޯޓްލުމަށް ރަޖިސްޓްރީކޮށްފައެވެ. ގުރައިދޫގައި 310 މެމްބަރުން ވޯޓްލުމަށް ވަނީ ރަޖިސްޓްރީކޮށްފައެވެ. މީގެއިތުރުން ގުރައިދޫ ދާއިރާގެ މެމްބަރުން ގެތެރެއިން 69 މީހުން މާލެސިޓީގައި ވޯޓްލުމަށް ވަނީ ރަޖިސްޓްރީކޮށްފައެވެ.
