އައްޑޫސިޓީ، ހުޅުދޫއަށް ނިސްބަތްވާ ސ.ހުޅުދޫ/ ސަނީލޮޖް، އަލީ އާރިފް ފެނިފައިވާ ކަމަށް އޭނާގެ އާއިލާ އިން ބުނެފިއެވެ.
އޭނާގެ އާއިލާ މީހަކު ފޭސްބުކްގައި ހިއްސާކުރި ޕޯސްޓެއްގައި ބުނެފައިވަނީ ކޮއްކޮ މިއަދުގެ ވަގުތެއްގައި ފެނިފައިވާ ކަމަށެވެ. އަދި އާރިފްގެ ހާލު ވެސް ރަނގަޅު ކަމަށާއި އާރިފް ހޯދުމަށް މަސައްކަތް ކޮށްދިން ހުރިހާ އެންމެނަށް ވަނީ ޝުކުރު އަދާކޮށްފައެވެ.
އާރިފް ވީނުވީއެއް ނޭނގި ގެއްލިގެން ފުލުހުންނަށް ރިޕޯޓްކޮށްފައިވަނީ ފެބްރުވަރީ މަހުގެ 16 ވަނަ ދުވަހުއެވެ. ފުލުހުން އޭރު އާރިފްގެ އާއިލާއާ ހަވާލާދީ ބުނެފައިވަނީ އޭނާ އެންމެ ފަހުން އާއިލާއަށް ޚަބަރުވެފައިވަނީ މިދިޔަ އަހަރުގެ ޑިސެމްބަރު މަހު ކަމަށާއި، އޭނާއަކީ ކަންނެލި މަސްވެރިކަމުގައި އުޅޭ މީހެއް ކަމަށެވެ.
