ވޭތުވެދިޔަ 50 އަހަރުގެ އެންމެ ރަނގަޅު ވަގުތު ހޭދަކުރެވުނީ ތެޔޮ އެންދުމަކީ ދުނިޔެ ހަލާކުވެދާނެކަމެއްގެ ގޮތުގައި ދެއްކުމުގައި - ނަޝީދު

ވޭތުވެދިޔަ 50 އަހަރުގެ އެންމެ ރަނގަޅު ވަގުތު ހޭދަކުރެވުނީ ތެޔޮ އެންދުމަކީ ދުނިޔެ ހަލާކުވެދާނެކަމެއްގެ ގޮތުގައި ދެއްކުމުގައި ކަމަށް ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދު ވިދާޅުވެއްޖެއެވެ.

ރައީސް ނަޝީދު މިހެން ވިދާޅުވީ ކްލައިމެޓް ޗޭންޖް ޑިޕްލޮމަސީ، ލީޑަރޝިޕް އެންޑް ރިސިލިއެންސް ރިސަރޗް ވޯކްޝޮޕް ހުޅުވުމުގެ ރަސްމިއްޔާތުގައި ވާހަކަފުޅުދައްކަވަމުންނެވެ. ރައީސް ނަޝީދު ވިދާޅުވީ މޫސުމަށް އަންނަ ބަދަލުތަކާ ބެހޭ ޑިޕްލޮމެސީގައި އޮތީ އެހެން ގައުމުތަކަށް ގަބޫލުކޮށްދީގެން ދުނިޔެ ހަލާކުކުރުން ހުއްޓާލުމުގެ މަސައްކަތް ކަމަށެވެ.

އަދި ހަމައެހެންމެ އެމީހުން މިހާރުވެސް ދީފައިވާ ގެއްލުމުގެ ފައިސާ ދެއްކުން ކަމަށާއި، ފެންނަ ފެނުމަށް ބަލާއިރު، އެއީ ފަސޭހަ މަސައްކަތެކެވެ.

ރައީސް ނަޝީދު ވިދާޅުވީ ހިތާމައަކީ އެއީ އެހާ ސާދާ ކަމެއް ނޫން ކަމަށެވެ. އަޅުގަނޑުމެންގެ ދިރިއުޅުމުގެ ވައްޓަފާޅިއާއި އަޅުގަނޑުމެންގެ ތަނަވަސްކަން ގުޅިފައިވަނީ ތެޔޮ އަންދާ ފަނާކުރަނިވި ފަރާތާ ކަމަށވެ. އެއީ އަނެއްކާވެސް ދުނިޔެ ހޫނުވެ މޫސުމަށް ބަދަލުތަކެއް އަންނަ ކަމެއް ކަމަށް ރައީސް ނަޝީދު ވިދާޅުވިއެވެ.

ރައީސް ނަޝީދު ވިދާޅުވީ ވޭތުވެދިޔަ 50 އަހަރުގެ އެންމެ ރަނގަޅު ބައި ހޭދަކޮށްފައިވަނީ، ތެޔޮ އަންދާލުމަކީ، ދުނިޔެ ހަލާކުވެގެންދާ ކަމެއް ކަމަށް، މީހުންނަށް ގަބޫލުކޮށްދޭން ކަމަށެވެ.

ރައީސް ނަޝީދު ވިދާޅުވީ އެކަން ހައްލުކުރަން ސައިންސްއިން އެކަން ހޯދަން ޖެހޭ ކަމަށެވެ. ޝައްކެއްވެސް ނެތްގޮތުގައި ކަންކަން ސާބިތުކޮށްދޭންޖެހޭ ކަމަށެވެ. ގްރީން ހައުސް ގޭސްތަކުގެ ސަބަބުން މޫސުމަށް ބަދަލުތައް އަންނަކަން ސާބިތުކޮށްދޭން ޖެހޭ ކަމަށެވެ.

ރައީސް ނަޝީދު ވިދާޅުވީ ޝައްކުވެރިންނަށް ސައިންސާ މެދު ޝައްކު ކުރަންވީ ސަބަބެއް އޮބައޮތް ކަމަށެވެ. އަނެއް ބަޔަކު ތިބީ ތެޔޮ އަންދާ ކުންފުނިތަކުން އެތައް މިލިއަން ޑޮލަރަކުން ފައިސާ ހޯދައިގެން ސައިންސް އިންކާރު ކުރުމުގެ ބޮޑު ޕްރޮޕެޖެންޑާ ކެމްޕޭނެއްގައި ކަމަށެވެ.

ރައީސް ނަޝީދު ވިދާޅުވީ ގިނަ ވަގުތު ހޭދަކުރަނީ ކްލައިމެޓް ޗޭންޖާއި ބީރައްޓެހިންނާ ބަހުސްކުރުމުގައި ކަމަށެވެ. އެހެންނަމަވެސް، އެންމެ އުނދަގޫ އަދި ކަންބޮޑުވާ ކަމަކީ، ބުއްދިވެރި އަދި ވިސްނުންތޫނު މީހުންނާ ދިމާވާއިރު، އަދިވެސް ސައިންސް ގަބޫލުކުރަން ދެކޮޅު ހެދުން ކަމަށެވެ. ބަދަލުތަކާ ދެކޮޅު އެހެން ބައެއް މީހުންނަކީ އެމީހުންގެ ދިރިއުޅުމުގެ ވައްޓަފާޅި އަސާސީ ގޮތުން ބަދަލުކުރަން ޖެހޭނެ ކަމަށް ބިރުގަންނަ މީހުންގެ ފަރާތުންނެވެ.