މިފްކޯއިން މުޅިން އައު، ކާން-ތައްޔާރު ކާނާގެ ބާވަތްތަކެއް ތައާރަފްކޮށްފި

ފުޑް އެންޑް ބެވަރޭޖް ޝޯގެ ތެރެއިން މިފްކޯއިން ވަރަށް ޚާއްސަ އައު ކާން-ތައްޔާރު ކާނާގެ އުފެއްދުންތަކެއް ތައާރަފްކޮށްފިއެވެ.

ޕްރިޒަވޭޓިވް ކެމިކަލްތަކާ ނުލައި ތައްޔާރުކުރެވިފައިވާ މަހުގެ މި ރެޑީ-ޓު-އީޓް ސެޓް މީލްތަކަކީ މައިކްރޯވޭވްގައި 5 މިނެޓް ވަންދެން ހޫނުކޮށްލުމުން، ކާން-ތައްޔާރު އުފެއްދުންތަކެކެވެ. ބަތާއި، ކަނޑުމަސް އަދި ތަރުކާރީގެ ބާވަތެއް ހިމެނޭ މި ސެޓް މީލް ތަކަކީ އަގު ހެޔޮކޮށް، ސިއްހަތަށް ފައިދާހުރި ކާނާ ވަގުތުން ތައްޔާރުކޮށްގެން ކެއުމަށް ލިބޭ ފުރުސަތެއް ކަމަށް މިފްކޯއިން ބުނެއެވެ.

މިފްކޯއިން ތައާރަފްކޮށްފައިވަނީ ޓޫނާ އިން ހޮޓް ބަޓަރ ސޯސްއާއި، ޓޫނާ ވިތު އޮބަޖީންއާއި، ޓޫނާ އިން ބާބަކިއު ސޯސްއާއި، މަސްބަތް، އަދި ޓޫނާ ވިތު ކަންކުންއެވެ.

މިހުރިހާ އެޑިޝަންތަކެއްވެސް ރަހަބަލާލުމުގެ ފުރުސަތު، ސެންޓްރަލް ޕާކުގައި ކުރިޔަށްދާ ފުޑް އެންޑް ބެވަރޭޖް ޝޯގައި ލިބިގެންދާނެއެވެ. އެހެން އަހަރުތަކެކޭ އެއްގޮތަށް މި އުފެއްދުންތައްވެސް ކަސްޓަމަރުންނަށް ގެނެސްދެނީ މިފްކޯގެ އެގްޒެކެޓިވް ޝެފް، ނާބެއެވެ.

26 ކުންފުނިން ބައިވެރިވާ މިއަހަރުގެ ފުޑް އެންޑް ބެވަރޭޖް ޝޯ ކުރިޔަށްދާނީ ފެބްރުއަރީ 23ން 25ށެވެ.