މާލެ ސަރަހައްދަށް ގިނަ ވަގުތު ބަނަވާނެ، ބާރަށް ގުގުރާނެ
ކަނޑުތައް އުތުރަށް މަޑު، ދެކުނާއި މެދުރާއްޖެތެރެއަށް ގަދަ
މާލެ އަށް ވާރޭވެހިފައި
ބުދަ ދުވަހު ވެސް މާލެ ސަރަހައްދުގެ ރަށްތައް އޮންނާނީ ބަނަކޮށް ކަމަށާއި ބާރަށް ގުގުރުން ވެސް އެކަށީގެންވާ ކަމަށް މޫސުމާ ބެހޭ ގައުމީ އިދާރާއިން ބުނެފިއެވެ.
މެޓް އޮފީހުން ބުނީ ބުދަ ދުވަހު އުތުރަށް ކެރީގެ އަސަރު ކުރާނެ ކަމަށައި މެދުރާއްޖެ އާއި ދެކުނަށް ވިއްސާރަކުރާނެ ކަމަށެވެ. އަދި ބުރާސްފަތި ދުވަހު މެދުރާއްޖެތެރެއަށް މޫސުން ރަނގަޅުވާނެ ކަމަށާއި ނަމަވެސް ދެކުނަށް ވިއްސާރަ ކުރާނެކަމަށެވެ. އަދި ބައެއް ރަށްރަށަށް ގުގުރުން އެކަށީގެންވާނެ ކަމަށް ބުނެއެވެ.
އަންގާރަ ދުވަހުގެ އިރުއޮއްސުނު ފަހުން މާލޭ ސަރަހައްދަށް ވަރަށް ބާރަށް ވަނީ ގުގުރާފައެވެ. އަދި އަންގާރަ ދުވަހުގެ ރޭ ކޮންމެވެސް ވަރަކަށް މާލެއަށް ވާރޭ ވެސް ވެހުނެވެ. އެ ރޭ މެޓް އޮފީހުން ވަނީ ބާރަށް ގުގުރާނެކަމަށް ލަފާކޮށް ވައިޓް އެލާޓް ވެސް ނެރިފައެވެ.
ކަނޑުތައް އުތުރަށް މަޑުވާނެ ކަމަށާއި މެދުރާއްޖެތެރެއަށާއި ދެކުނުގައި ގަދަވާނެކަމަށް ވެސް މެޓް އޮފީހުން ވަނީ ބުނެފައެވެ.
