ބޮކުމް ބަލިކޮށް ބަޔާނުން އެއް ވަނައިގައި

ޖަރުމަނު ލީގުގައި ބޮކުމްއާ ދެކޮޅަށް ކުޅުނު މެޗުން މޮޅުވެ ބަޔާން މިއުނިކް އެއް ވަނައިގައި ހިފަހައްޓައިފި އެވެ.

ހޮނިހިރު ދުވަހުގެ ރޭ ބަޔާންގެ އަމިއްލަ ދަނޑުގައި ކުޅުނު މެޗު ބަޔާނުން ކާމިޔާބު ކުރީ 3-0 އިންނެވެ. އެ މެޗު ޚާއްސަވީ ކުޅުންތެރިޔަކީ ކެޕްޓަން ތޯމަސް މުލާ އެވެ. އެ މެޗާއެކު މުލާ ވެގެން ގޮސްފައި ވަނީ ބަޔާނަށް އެންމެ ގިނަ މެޗު ކުޅެދިން ކުޅުންތެރިޔާ އަށެވެ. މެޗުގައި ބަޔާނަށް ފުރަތަމަ ލަނޑު ޖަހައި ކުރި ހޯދައިދިނީ ވެސް މުލާ އެވެ. އެއީ މެޗުގެ 41 ވަނަ މިނެޓުގަ އެވެ. މެޗުގައި ބަޔާންގެ އަނެއް ދެ ލަނޑު ފެނުނީ ދެ ވަނަ ހާފުގަ އެވެ. ދެ ވަނަ ހާފުގައި ބަޔާނަށް ލީޑު ފުޅާކޮށްދިނީ ކިންގްސްލީ ކޯމަން އެވެ. އެއީ 63 ވަނަ މިނެޓުގައި ޖަމާލް މުސިއާލާ ތަނަވަސްކޮށްދިން ފުރުސަތެއްގައި އޭނާ ޖެހި ލަނޑުންނެވެ. ބަޔާންގެ ފަހު ލަނޑު މެޗުގެ 74 ވަނަ މިނެޓުގައި ލިބުނު ޕެނަލްޓީއަކުން ކާމިޔާބުކުރީ ސާޖް ގްނަބްރީ އެވެ.

މެޗުން މޮޅުވެ ބަޔާން އެއް ވަނައިގައި އޮތީ ކުޅުނު 20 މެޗުން 43 ޕޮއިންޓާއެކު އެވެ. ހަމަ އެ އަދަދަށް މެޗު ކުޅެގެން ދެ ވަނައިގައި އޮތް ބޮރޫޝިއާ ޑޯޓްމަންޑަށް ލިބެނީ 40 ޕޮއިންޓެވެ. ތިން ވަަނައިގައި ޔޫނިއަން ބާލިން އޮތީ ކުޅުނު 19 މެޗުން 39 ޕޮއިންޓާއެކު އެވެ.