އެންމެފަހުން ތިން މެޗުގައި ފޯވާޑް ހާލާންޑަށް ގޯލް ނުޖެހުމުގެ ޒިންމާ ކޯޗު ޕެޕް ގާޑިއޯލާ ނަގައިފިއެވެ.
ކޯޗު ގާޑިއޯލާ ބުނީ ފައިނަލް ތާޑްގައި ހާލާންޑަށް އެކަށީގެންވާ ވަރަށް ބޯޅަ ނުދެވޭކަމަށެވެ. ޑޯޓްމަންޑުން މިސީޒަންގައި ސިޓީއަށް ބަދަލުވެ, ހުރިހާ މުބާރާތެއް ހިމެނޭ ގޮތަށް ހާލާންޑް ވަނީ ކުލަބަށް 27 ގޯލް ޖަހައިދީފައެވެ. އެކަމަކު އެންމެފަހުން ދެމެޗުގައި ގޯލެއް ނުޖެހެއެވެ. ލީގުގައި ޔުނައިޓެޑް އަތުން އޭގެ ކުރިން ލީގު ކަޕްގައިވެސް ވީ ބައްޔެވެ.
ގާޑިއޯލާ ބުނީ ހާލާންޑަށް ބޯޅަ ދެވޭވަރު އިތުރުކުރަން ޖެހޭކަމަށާއި, ފައިނަލް ތާޑްގައި މޫވްތައް އަވަސްކޮށް ޖާގަ ހޯދަން ޖެހޭކަމަށެވެ. ހާލާންޑަށް ތައުރީފު ކުރަމުން ގާޑިއޯލާ ބުނީ އޭރިޔާ ތެރޭގައި ހާލާންޑް ހުންނަ ނަމަ ދެތިން ޑިފެންޑަރުން ކޮންޓްރޯލް ކުރާނެކަމަށެވެ.
ޗެމްޕިއަން ސިޓީ މިވަގުތު އޮތީ އެއްވަނާގައި އާސެނަލްއަށްވުރެ އަށް ޕޮއިންޓް ފަހަތުގައެވެ.
