ކުޅިވަރު
އިންޓަ ސްކޫލް ފުޓުބޯޅަ މުބާރާތް
ހަމްދާންގެ ދެ ލަނޑުން ގުރައިދޫ ބަލިކޮށް، އިސްކަންދަރަށް މޮޅެއް
ގަލޮޅު ރަސްމީ ދަނޑުގައި ކުޅުނު މެޗު އިސްކަންދަރުން ކާމިޔާބުކުރީ 2-0 އިން
ޝައިހާން ޒަރީރް, ރާއްޖެ އެމްވީ | 17 ޖެނުއަރީ 2023 | އަންގާރަ 16:08
އިންޓަ ސްކޫލް ފުޓުބޯޅަ މުބާރާތުގެ ތެރެއިން
އިންޓަ ސްކޫލް ފުޓުބޯޅަ މުބާރާތުގައި ގުރައިދޫ ސްކޫލް ބަލިކޮށް، އިސްކަންދަރު ސްކޫލް މޮޅަކުން މުބާރާތް ފަށައިފި އެވެ.
މިއީ ގްރޫޕް ސީގެ ފުރަތަމަ މެޗެވެ. އަންގާރަ ދުވަހުގެ ހަވީރު ގަލޮޅު ރަސްމީ ދަނޑުގައި ކުޅުނު މެޗު އިސްކަންދަރުން ކާމިޔާބުކުރީ 2-0 އިންނެވެ. މެޗުގައި އިސްކަންދަރުގެ ދެ ލަނޑު ވެސް ޖެހީ އަޙުމަދު ހަމްދާން އެވެ. އެއީ މެޗުގެ 10 ވަނަ މިނެޓުގައި އޭނާ ޖެހި ލަނޑާއި، މެޗުގެ 35 ވަނަ މިނެޓުގައި އޭނާ ޖެހި ލަނޑެވެ. މި ގްރޫޕްގައި ދެން އޮތީ އަމީނިއްޔާ ސްކޫލާއި، ހުރަވީ ސްކޫލް އެވެ.
ގްރޫޕް ސީގެ ދެ ވަނަ މެޗުގައި އަމީނިއްޔާ ސްކޫލާއި ހުރަވީ ސްކޫލް ބައްްދަލު ކުރާނީ އަންގާރަ ދުވަހުގެ ރޭ އެވެ.
