3 ބާވަތެއްގެ މަސްވެރިކަން މެނޭޖްކުރުމަށް ކޮމިޓީތަކެެއް އެކުލަވާލަނީ
5 ޖެނުއަރީ 2023 | ބުރާސްފަތި 07:46މި ކޮމިޓީތަކުގެ މަގާމުތަކަށް ކުރިމަތިލުމުގެ ފުރުސަތު ވަނީ ހުޅުވާލާފައި
ފަރެސްމާތޮޑާ މަސްވެރިން
ރާއްޖޭގައި ކުރާ 3 ބާވަތެއްގެ މަސްވެރިކަން މެނޭޖްކުރުމަށް ލަފާދޭ ކޮމިޓީތަކެއް އެކުލަވާލުމަށް މިނިސްޓްރީ އޮފް ފިޝަރީޒް، މެރިން ރިސޯސަސް އެންޑް އެގްރިކަލްޗަރ އިން ނިންމައިފިއެވެ.
މިއީ ކަނޑުމަހުގެ މަސްވެރިކަމާއި، ފާނަ މަސްވެރިކަމާއި، ހިބަރު މަސްވެރިކަން މެނޭޖްކުރުމަށް ލަފާދޭ ކޮމިޓީތަކެކެވެ. މިނިސްޓްރީން ވަނީ މި ކޮމިޓީތައް އެކުލަވައިލުމަށްޓަކައި އެ ކޮމިޓީތަކަށް މެމްބަރުން ކުރިމަތިލުމަށް ހުޅުވާލައިފައެވެ. މީގެ ކުރިން ހުޅުވާލި ފުރުސަތުގެ މުއްދަތު ހަމަވީއިރުވެސް އެއްވެސް ފަރާތަކުން ނަން ހުށަހަޅާފައިނުވާތީ އެޕްލިކޭޝަން ބަލައިގަތުމުގެ ސުންގަޑި އަނެއްކާވެސް ވަނީ ފަސްކޮށްދީފައެވެ. މިގޮތުން މިހާރު އެޕްލިކޭޝަން ބަލައިގަތުމުގެ ސުންގަޑީގެ ގޮތުގައި ކަނޑައަޅާފައިވަނީ 19 ޖެނުއަރީ ވާ ބުރާސްފަތި ދުވަހުގެ 12:00 ގެ ނިޔަލަށެވެ.
ފިޝަރީޒް މިނިސްޓްރީން ބުނީ މި މަންދޫބުންނަށް ކަނޑައަޅާފައިވަނީ 5 އަހަރުގެ ދައުރެއް ކަމަށެވެ. މިނިސްޓްރީން ވަނީ ވަކި ވަކި ކޮމިޓީތަކުގެ މަގާމުތައް ހާމަކޮށްފައެވެ.
މި ކޮމިޓީތަކަށް ގިނަ އަދަދެއްގެ މަސްއޫލިއްޔަތުތަކެއް މަތިކޮށްފައިވެއެވެ. އެ ކޮމިޓީތަކުގެ މަސްއޫލިއްޔަތުތަކުގެ ތެރޭގައި:
މި ކޮމިޓީތަކުގެ ސަބަބުން ރާއްޖޭގައި ކުރެވޭ މަސްވެރިކަމުގެ މަސައްކަތްތައް އިތުރަށް ހަރުދަނާކުރެވިގެންދާނެއެވެ.
