ސެންޓްރަލް އޭރިއާ ކޮމާންޑުގެ ކޮމާންޑަރު، ލ.އަތޮޅުގެ ބައެއް ކައުންސިލްތަކާއި އ.ތ.މ ކޮމިޓީތަކާއި ބައްދަލުކުރައްވައިފި
28 ޑިސެމްބަރު 2022 | ބުދަ 08:422023 ވަނަ އަހަރު ރަށްރަށުގެ އާންމުނަށް ކުރިއަށް ގެންދިއުމަށް ހަމަޖެހިފައިވާ އެވެއަރނަސް ޕްރޮގްރާމުތައް ހިންގުމާ ގުޅޭގޮތުން ވަނީ މަޝްވަރާކުރައްވާފައި
ސެންޓްރަލް އޭރިއާ ކޮމާންޑުގެ ކޮމާންޑަރ، ލ.އަތޮޅުގެ ބައެއް ކައުންސިލްތަކާއި އަންހެނުންގެ ތަރައްޤީއަށް މަސައްކަތްކުރާ ކޮމެޓީތަކާއެކު ބޭއްވި ބައްދަލުވުންތައް
އެމްއެންޑީއެފް ސެންޓްރަލް އޭރިއާ ކޮމާންޑްގެ ކޮމާންޑަރ، ކާނަލް އަޙްމަދު ފާތިޙް، ލ.އަތޮޅު ބައެއް ރަށްތަކުގެ ކައުންސިލްތަކާއި އެ ރަށްތަކުގެ އަންހެނުންގެ ތަރައްޤީއަށް މަސައްކަތްކުރާ ކޮމެޓީތަކާ ބައްދަލުކުރައްވައިފިއެވެ.
މިގޮތުން، ޑިސެންބަރު 27 ވަނަ ދުވަހު އެމްއެންޑީއެފް ސެންޓްރަލް އޭރިއާ ކޮމާންޑްގެ ކޮމާންޑަރ، ކާނަލް އަޙްމަދު ފާތިޙް ކުރެއްވި ދަތުރުފުޅުތަކުގެ ތެރެއިން، ލ.އިސްދޫ ކައުންސިލާއި އެރަށު އަންހެނުންގެ ތަރައްޤީއަށް މަސައްކަތްކުރާ ކޮމެޓީގެ އިތުރުން، ލ. ކަލައިދޫ ކައުންސިލާއި އެރަށު އަންހެނުންގެ ތަރައްޤީއަށް މަސައްކަތްކުރާ ކޮމެޓީގެ މެންބަރުންނާ ވަނީ ބައްދަލުކުރައްވާފައެވެ.
މި ރަށްރަށުގެ ކައުންސިލް އިދާރާތަކުގައި ވަކިވަކިން ބޭއްވި ބައްދަލުކުރެއްވުންތަކުގައި، އެމްއެންޑީއެފް ސެންޓްރަލް އޭރިއާ ކޮމާންޑުން 2023 ވަނަ އަހަރު ރަށްރަށުގެ އާންމުނަށް ކުރިއަށް ގެންދިއުމަށް ހަމަޖެހިފައިވާ އެވެއަރނަސް ޕްރޮގްރާމުތައް ހިންގުމާ ގުޅޭގޮތުން ވަނީ މަޝްވަރާކުރައްވާފައެވެ.
